Magga

2009-06-08T13:52:00.009Z

Hæhæ
þá erum við komin heim og ég er bara búin að vera að skemmta mér seinustu 3 vikurnar. Meðal annars þá skelltum við stelpurnar ásamt Frosta litla og Krissa uppí bústað þar sem við gistum í 3 nætur og höfðum það kósý.Við Fannar, Rakel og Dagur röltuðum niður laugarveginn einn sólardaginn og enduðum hjá Tjörninni.
Adda padda átti líka afmæli og bauð okkur uppá kökur og kræsingar. Hérna er hún að fara að blása á öll 26 kertin! Fannar er byrjaður að vinna og vinnur oft frameftir, sem hann er bara sáttur við þar sem hann er bara heppinn að hafa vinnu miða við marga. Ég og Halldóra verðum að passa Dag meðan mamma hans er að vinna, og það er sko svaka líkamsrækt að hlaupa eftir honum allan daginn!
Við Helga skráðum okkur saman í meðgöngujóga og áttum að mæta í fyrsta tímann í dag, en ég vaknaði með flensuna og verð að mæta bara næst :(
Annars gengur allt bara vel, mallinn fer sífellt stækkandi og ótrúlegt að það eru bara 2 og hálfur mánuður eftir! Læt fylgja með eina bumbumynd.

2009-04-17T03:04:00.010Z

Hæhæ

Ég splæsti loksins í flugmiða heim! Flýg fyrst til Boston og þaðan til Íslands og lendi morguninn 13. maí :)
Svo fer skólinn bara alveg að klárast. Á eftir að skila AutoCad teikningum og svo PhotoShop verkefni, og eftir það er bara eitt lokapróf sem ég þarf að taka. Fannar ætlar að taka stutta sumarönn, eða frá byrjun maí til seinniparts júní.
Mig hlakkar svakalega til að koma heim, en skrítið samt að yfirgefa sólina í ár :(

Við fórum í auka sónar á þriðjudaginn og þá kláraði ljósan að fara yfir allt, en hún var svo mikil prinsessa að hún var ekkert að hafa fyrir því að snúa sér við seinast. Fengum flottar myndir, og erum örugglega búin að fá yfir 20 myndir allt í allt hér úti. En heima eru þær víst "skammtaðar" OG það þarf að borga fyrir þær.

Profile mynd

Ein pósa handa mömmu og pabba

Svo átti varð ég 18 ára 2.apríl. Fannar færði mér morgunmatarbakka í rúmið og rósir. Um kvöldið fórum við svo út að borða á The Silver Slipper sem er voða fínt steikhús. Þar vorum við á svona bás og maður gat dregið fyrir, svaka privacy :)

Svo eru strákarnir, eða aðallega Viktor svo duglegir að þeir bökuðu handa okkur pizzu sem smakkaðist alveg hreint ótrúlega vel :)

Ég gleymdi alltaf að segja ykkur líka að þegar við förum í bíó þá kemur þessi risa mynd af mér alltaf á skjáinn, en það er auglýsing fyrir TCC (skólann sem ég var í). Ég held á skólabókum og svo er mynd af skólanum í bakgrunni... svo fékk Brynjar bróðir strákanna bækling sendann frá TCC og viti menn, fésið á mér var á honum líka. Skondið að hafa mynd af litlum íslendingi af öllum þessum þúsundir nemenda sem eru í skólanum :)

Ein bumbumynd í lokin, komin 20 vikur. Er orðin frekar sver á alla kanta, en kjólinn felur það ágætlega :)

2009-04-01T01:32:00.005Z

Hæhó

Allt gott að frétta frá Flórida. Bara mánuður eftir af skólanum og þá fer ég í ársfrí!:) Skrítið að hugsa til þess að vera ekki í skóla næsta árið....
Við fórum í sónar í fyrradag og fengum að vita að við eigum von á lítlli PRINSESSU! :)
Hún lá á hvolfi og í grúfu allan tíman meðan ljósmóðirin skoðaði hana, svo við fengum enga góða mynd af andlistfallinu og svona. En hér er smá sýnishorn:

Hausinn semsagt snýr bara niður. Við fengum annan sónar eftir 2 vikur til að þau geti skoðað það sem sást ekki núna. Þá fáum við líka betri myndir.
Ég er ekki komin með almennilega kúlu , en hér er ég komin 15 vikur., eða fyrir mánuði síðan. Hún hefur eiginilega ekkert stækkað.

Við erum byrjuð að skoða nöfn og það er hægara sagt en gert að velja nafn á barnið sitt! Höfum þó nógan tíma:) Svo er ég búin að vera að stelast að kaupa bleik prinsessuföt og það er flest tilbúið á hana. Komin með samfellur, útigalla og svo fann ég loksins sokkabuxur í OldNavy eftir mikla leit, enda eru börn hér bara ber útaf hitanum.

Planið er svo að flytja í aðra íbúð þegar við komum til baka og erum búin að vera að skoða. Fundum draumahverfi! Það heitir Victoria Grand Apartments, og er eins og Disney hverfi á kvöldin, allt upplýst með seríum og krúttlegu. Þetta eru lúxuxíbúðir, sundlaugarsvæðið eins og spa, gym, morgunmatur í club-housinu á laugardögum og þá hittast nágrannarnir og borða saman. Svo er boðið uppá nudd einusinni í viku frítt! Svo getur maður labbað í mallið, og hundagarð/útivistagarð og fleira. Það kostar svo auðvitað slatta... en dollarinn er svo hár að það eru allar íbúðir dýrar núna. Þessi kostar um 100þús á mán :( En svo eru gamlar og ljótar íbúðir á um 80þús, svo það er bara spurning hvað við gerum.
-bæjó-

2009-03-18T00:48:00.009Z

Hæhæ.

Það er allt gott að frétta af okkur.

Við fengum vikufrí yfir Spring Break og ákváðum að keyra vestur. Við byrjuðum á því að keyra til New Orleans, Lousiana, þar sem fyrsta kvöldið fór í að labba um miðbæinn og skoða mannlífið. Það er ótrúlega mikið af heimilislausu fólki útum allt, og umhverfið frekar sleazy svona. Bærinn var samt mjög krúttlegur, en við gistum í „French Quarter“, sem er gamall bær í anda Englands, enda voru fyrstu innflytjendurnir þaðan.

Við skoðuðum gamla dómkirkju frá 17.öld, höfnina, miðbæinn og svo auðvitað rústirnar. Það er reyndar búið að laga flest húsin, en við sáum samt mörg sem voru gjörsamlega í rústi. Eftir flóðið þá merkti herinn hversu margir voru látnir og fl, og skrifuðu það framaná húsin fyrir fólkið sem tók líkin saman. Það var frekar skrítið að sjá hversu margir íbúðar í hverju húsi fyrir sig dóu.

Þegar við röltum inní einhverja gamla seinni-heimstyrjaldar-skranbúð, Fannar með cameruna á lofti og ég enn meira nörd með myndavélina uppi líka, þá erum við að skoða (og Fannar að taka upp) þegar við, löngu seinna, rekum augun í homma-eiginmann Phoebe í Friends. Við, lúðarnir með sitthvora vélina á lofti, mundum ekkert hvað hann hét eða hvaða myndum hann hefur verið í, svo ég labba bara til hans og spyr hvort hann sé ekki leikari! Hann heitir víst Steve Zahn og var í myndum eins og Sahara og fl. Þetta er svona andlit sem allir þekkja, en enginn veit hvað greyið gaurinn heitir. Svo fékk ég mynd með honum. Eftir það vorum við ekki lengi að þjóta út, því ég veit ekkert hvort hann var þarna á undan okkur eða kom eftir, og hann gæti alveg eins haldið að við hefðum verið að elta sig... með sitthvora vélina!

Eftir eina nótt í New Orleans þá keyrðum við til Houston, Texas. Reyndar með stoppi í Outleti sem Fannar sá á leiðinni og vildi ólmur stoppa í..... já, það var hann sem dró mig! Ég neitaði því að sjálfsögðu ekki: )

Í Houston vorum við mest að keyra um og skoða, enda 4 stærsta borgin í bandaríkjunum. Fannar fór á skotsvæði og ég fór í mallið á meðan, svo keyrðum við að geimstöðinni í Houston, þar sem geimfararnir æfa sig. Geimflaugum er víst skotið frá Flórida en lenda í Houston. Það var algert æði að skoða hana, sáum helling af Nasa dóteríi, gamla geimbúninga, skoðuðum æfingasvæðið þeirra og sáum stærstu geimflaug í heimi (sem hefur verið skotin útí geim). Við tókum ekki margar myndir, bara video, en ég setti þær sem við tókum inná Facebook ef einhver vill skoða.

Annars fórum við í skoðun í dag. Allt leit vel út og svona, heyrðum hjartslátinn og svona. Ég er komin 17 vikur núna, og meðgangan því bráðum hálfnuð. Rosalega fljótt að líða. Ég fékk svo tíma í sónar eftir 2 vikur og þá verður athugað með kynið ef barnið leyfir! Við getum ekki beðið:)

2009-02-21T19:51:00.012Z

Hæhæ

Af okkur er allt gott að frétta.

Skólinn er staðráðinn í að halda halda manni við efnið svo það er lítill frítími fyrir eitt eða neitt. Er að gera verkefni í Graphic sem ég flyt á mánudaginn, svo er mid-term exam í Textile Lab á þriðjudaginn, og svo mid-term líka í Textile bóklega á föstudaginn, svo það er nóg að gera.

Eins og flestir vita núna þá eigum við Fannar von á erfingja! Honum lá svo á að koma að hann færði sig yfir í ágúst, úr september. Við fórum í 3 mánaða sónar á mánudaginn og fengum þennan mjög-ófyndna brandarakall sem vildi sjá um okkur, en ég hafði valið aðra konu til að vera hjá, en hún var upptekin þennan dag svo kallinn tók á móti okkur. Hann varð voða spældur yfir því að fá ekki að sjá um fyrsta íslenska barnið sitt, svo ég þurfti að vera hörð á því að vilja vera hjá konunni restina af skoðununum. Hann var búinn að spurja okkur Fannar hvað við vorum að læra, og Fannar sagði svo í gríni að barnið yrði verkfræðingur til að passa inní fjölskyldufyrirtækið. Rétt í því dó sónar-tækið og kallinn sagði að barnið væri nú þegar farið að fikta í vélum! Svo þegar við vorum búin þá sagðist hann ekki ætla að rukka okkur fyrir tækið sem barnið skemmdi! Við brostum bara með kjánahroll yfir þessum litla kalli.

En við fengum voða flottar myndir og erum svaka sátt:)

Svo fáum við að vita kynið eftir um 6 vikur og bíðum alveg rosalega spennt eftir því:)

Skólinn minn klárast í lok apríl (önnin búin 1.maí), en ég ætla ekkert að drífa mig heim. Mig langar að slappa af fyrst, sóla mig, versla á barnið og ferðast eitthvað. Svo á ég kannski von á Íslandsheimsóknum áður en ég kem!;)

Fannar tekur hrað-sumarönn sem tekur um 6 vikur minnir mig, svo hann ætlar að koma heim í lok Júní, beint í brúðkaupið hjá þessum töffra og Sigrúnu skvís, en þau trúlofuðu sig um jólin:)

Annars tókst mér um daginn að draga strákana á myndina Shopaholic sem er ALGER stelpumynd, ég skemmti mér konunglega en veit ekki alveg með þá... hehe. Svo fer bolludagurinn að nálgast, og ég gerði test-uppskrift um daginn því það er svo öðruvísi hráefnin hér, og þær heppnuðumst bara vel, svo ég ætla að baka meira um helgina handa okkur:)

Næstu helgi er planið að keyra til Eyjó pabba strákana og vera yfir helgi, en Gummi er þá búinn í Bar prófinu fyrir lögfræði réttindin svo það verður því eflaust fagnað. Helgina eftir það er Spring Break og við ætlum að leggjast í eitthvað flakk, en óvíst hvert.

Hér eru einhverjar myndir... voða random!

Verið að spila nýja posa-Monapoly heima hjá Fannari um jólin.

Hjördís var svo elskuleg að bjóða okkur út að borða á Argentínu.

Við heimsóttum Hilmar og Kristínu í janúar og færðum þeim íslenska síld og harðfisk.

Viktor að testa nýju vélina:)

BæBæ

2009-01-19T03:29:00.002Z

Hæ hó!

við erum komin aftur til Flórida. Skólinn er byrjaður á fullu og tímarnir mínir eru: Textile, Textile Lab, Graphics, History of Interior og AutoCad. Ég komst að því að námið mitt er dýrasta námið (miða við tæki og tól sem maður á að kaupa). Við eigum að kaupa einhverja spes þykka tússliti, 40 stykki á 20þús kall!! Þetta er bara vitleysa sko... svo fer maður í gegnum kannski tvo svona pakka á önn.
Svo kostar AutoCad forritið sem er skylda að hafa ca. 350þús!
Þetta er bara smá hluti af öllu auðvitað ... úff..

Nýja íbúðin er að verða heimilislegri með hverjum deginum. Flest komið á sinn stað og allt hreint og fínt. Viktor keypti sér 52'' flatskjá svo stofan er bara eins og lítið bíó:)

Svo var ég að eignast lítinn frænda. Til hamingju Hulda og Krissi! Ég bíð spennt eftir myndum:)

Æj ég hef nú voða litið að segja, erum bara nýkomin og svona. Það er frí á morgun útaf Martin Luther Kind day.

Læt fylgja með myndir af skólanum...

Þessi gosbrunnur er fyrir utan deildina mína, ég sat oft þarna og borðaði nesti.
Það eru oft krakkar ofaní vatninu...

Nærmynd. Þetta var einusinni kvennaskóli árið átjánhundruð og eitthvað...

2008-11-17T06:59:00.001Z

Núna þegar við Íslendingar erum búin að kvitta frá okkur allt og kyssa bossann á IMF þá finnst mér tilvalið að skella inn þessum myndum sem pabbi sendi mér.

Hahaha mér fannst þetta einum of fyndið!
Meira inná: http://www.tv1.is/HIK/INDEX.html

Jæja nú fer að styttast í annarlok. Ég á lokaverkefnið mitt eftir sem er alveg mánuð í vinnslu. Flyt það 3.des, og þá finnst mér ég vera komin í frí, því þessi áfangi (stúdíó áfanginn) er sá sem ég á að sameina allt sem ég er að læra og gera verkefni sem fara í portfólíóið mitt. Hann er svona tíusinnum tímafrekari og stressandi en allir hinir. Svo tek ég tvö lokapróf 12.des, en það er ekkert upplestrarfrí, tek bara prófin í seinasta tímanum. Frekar asnó.
Eyjó tengdó og Gummi komu til okkar seinustu helgi. Við spiluðum póker (frekar mikið gert af því hér), og svo eldaði Eyjó íslenska lambalærið sem mamma sendi okkur. Eyjó er lærður kokkur og töfraði fram þessa máltíð sem er bara með þeim bestu sem ég hef fengið! Sósan tók klukkutíma sem var besta sósa sem ég hef smakkað! Ég japplaði á henni löngu eftir að þeir voru farnir heim hehe.
En það helsta í fréttum er að við fundum okkur íbúð sem við flytjum inní í janúar. Við munum búa 4 saman, við Fannar, Viktor og Mike vinur þeirra. Það besta er að íbúðin er GLÆNÝ, við verðum semsagt fyrstu íbúarnir. Herbergið okkar Fannars er á fyrstu hæð, með walk-in closet og svalahurð útá pall þar sem grillið okkar verður. Svo eru öll herbergi með sér baðherbergi og það er þvottavél og þurrkari í íbúðinni (en áður höfum við þurft að labba með allt yfir í sameiginlegt þvottahús hliðiná sundlauginni hér). Það sem ég er mest spennt fyrir samt er Club-housið, sem er sameiginlegt hús þar sem fólk getur farið og slappað af, horft á sjónvarpið, lært, farið í sundlaugina og heitapottinn, og síðar en ekki síst farið í ræktina!
Hér eru myndirnar af því:

Club- housið:

Sundlaugin að degi: Sundlaugin að kvöldi:

Inní Club-housinu:

Gymmið í Club-housinu:

Raðhúsin: Stofan:

Eldúsið:

Annars er það bara lærdómur þar til við komum heim. Það er reyndar Thanksgiving þarnæstu helgi, en þá ætlum við að fara til Eyjó pabba strákanna og pikka Rakel Örnu upp í leiðinni og eyða helginni í Palm Beach.

Hlakka svo til að komast heim og sjá þennann gæja sem er byrjaður að labba og næstum tala!
Hann er orðinn alger grallari og stígur hér létt dans-spor (ýkt montinn sko!)með ljósu krullurnar sínar.

Og ein af honum og mömmu gömlu.

Jæja komið gott í bili.

2008-11-05T03:45:00.001Z

Í dag eru akkurat 39 dagar þar til ég kem heim!:D

Hér er allt að verða brjálað útaf kosningunum, mörg fyrirtæki eru að bjóða fólki hitt og þetta ef þau kjósa. Td. gaf Starbuck öllum þeim sem kusu frítt kaffi. Í skólanum í dag voru flestir með barmerki eða límmiða á sér sem stóð á „I Voted“. Aldrei í sögunni hefur fólk hérna verið svona mikið inní kostningum, sem er bara frábært. Við heima hefðum átt að vera meira vakandi þegar okkar kostningar áttu sér stað seinast... en jæja ætla ekki einusinni að byrja hehe.

Ég og Alexa, bekkjasystir mín vorum saman í verkefni sem heitir „Make a Difference“, og við áttum að fara út og finna eitthvað sem mætti bæta í daglegu lífi og hanna eitthvað viðeigandi. Okkar verkefni snerist um það þegar maður situr á bókasafni FSU þá eru tölvurnar svo klesst uppað hvor annari og ekkert privacy, svo við hönnuðum skilrúm sem fólk getur dregið út og valið hversu mikið þau vilja loka sig af. Við smíðuðum tvö skilrúm, settum þau upp á bókasafninu og tókum viðtal við fólk eftirá.

Við sátum þarna flissandi og njósnandi um fólkið, sem var frekar vandræðanlegt svona inná stóru bókasafni. En það hafðist og við fengum meira að segaj viðurkenningu fyrir verkefnið:)

Kennarinn var hrósaði okkur bak og fyrir og sagði okkur að fara með verkefnið á bókasafnið því það gæti vel verið að þetta yrði partur af bókasafninu, og að sjálfsögðu yrðum við skráðir sem hönnuðirnir:)

Svo var ég að fá A, eða 9,8 fyrir verkefnið mitt sem ég sýndi myndir af í síðasta bloggi. Þegar ég fékk einkunnarblaðið til baka þá fylgdi með viðurkenning fyrir „outstanding performance“... í því stóð svo að ég fengi ekki verkefnið mitt til baka fyrren í lok nóv því það fer á sýningu hjá CIDA, eða the the Council for Interior Design Accredidation (arkítektafélag sem metur skólana).

Einnig stóð: „Your project shows your attention to detail and a level of high quality that will serve you well in your career“.

Mín voða glöð! :) híhí

Annars vorum við að koma frá Orlando þar sem við Halloween-uðumst með Rakel Örnu og Daniel. Um leið og við komum til þeirra þá var það bara beint í búninginn, Rakel og Marilyn vinkona hennar úr skólanum voru að setja gervi á tvo vini Daniels.

Við skelltum okkur svo Down Town Orlando á geðveikan úti- skemmtistað þar sem allt var troðið af furðuverum. Göturnar voru troðfullar af fólki í búningum og svakaleg stemming!! Daginn eftir fórum við á hlaðborð á einhverjum stað og í bíó Down Town Disney og sáum Tim Burton myndina. Sunnudagurinn fór í SMÁ búðarráp, en við kíktum í Mall of Millenia. Ég keypti mér svo Súkkulaði-ostaköku á Cheesecake Factory sem er sko to-die-fore!!

Það verða engin svaka jólainnkaup í ár útaf dollaranum sem er orðinn himinhár! Hann hefur meira en TVÖFALDAST síðan við fluttum út!! Skólagjöldin mín voru í 500þús á ÖNN en verða nú 1.3 miljón!! Mig langar að gráta...

Ég er hérna á netinu að leita mér af styrkjum. Það er ekki mikið í boði fyrir útlendinga, en það sem maður er nú á Dean‘s List yfir yfirburða einkannir þá ætti maður nú að finna eitthvað. Mont-mont:)

Ætla að halda leitinni áfram, knús heim! :)

2008-10-19T00:51:00.003Z

Enn ein helgin komin. Ég er bara í tímum á mán til fim svo mér finnst ég alltaf vera í helgar "fríi". Seinustu daga hef ég verið að undirbúa verkefni sem ég flyt á mánudaginn, en það er það fyrsta sem fer í Professional Porfolioið mitt (sem nemendur hér nota til að sækja um störf eftir nám). Það kemur gesta-gagnrýnir og horfir á og gagnrýnir okkur eftir flutning. SMÁ stress í gangi hjá eina útlendingnum í bekknum! :)
Ég fór í afmæli hjá írönskum strák seinustu helgi. Við fórum á Mori sem er japanskur sushi-staður og allt gert fyrir framan mann.

Hér er verið að gera okkar mat.
Ayumi, ég, Kristi og Karolina
Ayumi, Ali kærasti hennar og Poya afmælisbarn
Ég og Nathan Eftir það var smá fyrirpartý í heimahúsi og svo fórum við á MINT sem er svona ekta íslenskur skemmtistaður-lounge. Kristal ljósakróna í loftinu, fiskabúr í gólfinu og maður gat setið úti í sófum og pantað sér áfengi. Kannski ekkert íslenskst að geta setið úti, en allt var svo fínt og allir upp dressaðir svo mér leið eins og ég væri bara í 101.

Við erum búin að kaupa flugmiða heim!! Lendum 15.desember, en eigum eftir að kaupa miða til baka trallalaaa. Það reddast vonandi. Finnst óttalega sorglegt að hugsa til þess að ég kem bara um jólin, svo ekkert um sumarið... :( En sem betur fer ætla Helga og Stebbi að heiðra okkur með návist sinni. Rakel Arna er stutt frá en hún fer reyndar í febrúar heim til Íslands.

Jæja, ég læt fylgja með myndir af næsta verkefni (svona meira fyrir mömmu&pabba). En þetta er single-dormatory room. Eða bara herbergi í heimavist:)

Presentation board
Model
Kiss kiss úr sólinni

2008-10-07T04:07:00.001Z

Hæjj

Allt gott að frétta af okkur.
Hjördís mamma Fannars kom og var hjá okkur í 8 daga. Gerði heimatilbúin mömmumat og allt voða heimilislegt sem var æði.

Við vorum einnig boðin í mat til Hilmars og Kristínar, en Hilmar er fyrrverandi Consúll Íslands í Flórida. Þau eru um áttrætt en eldhress! Það var opinn bar hjá þeim eins og vanalega, en þau eru með þennan svaka fína bar inní stofunni hjá sér, barstólar, dæla, allskonar vín og bara name it :)

Ég gat samt ekkert verið voða mikið með því ég átti að skila inn verkefnum. Hér er Childcare Center sem ég hannaði og conceptið mitt var "the sun", svo allt hannað útfrá því.

Svo gerði ég eitthvað sem ég hélt að væri frammúr mínum óla-prik teiknihæfileikum. Mér tóks að teikna eitthvað í one-point og two-point perspective OG skyggja. Já krakkar mínir, ég held ég sé næsti Picasso!

Sjáiði sérstaklega þessa niðri hægra megin sem er af matsalnum í Childcare Centerinu mínu. Ofur-falleg skal ég segja ykkur. Skuggar á veggjum og gólfi og allt útpælt... ég ætti að leggja þetta fyrir mig sko... ég er með eindæmum hæfileikarík!

haha... eða hitt þó... mér finnst endalaust fyndið að ÉG sé að teikna. Ég get ekki gert beina línu án þess að nota reglustiku!

Seinustu helgi heimsótti ég Rakel Örnu og Daniel til Orlando. Þau búa í Celebrations, Disney hverfinu og VÁ það er sko algert draumahverfi! Þetta er hannað þannig að þarna er allt til alls; spítali, hverfispöbbar, gönguleiðir, kallar á hestakerrum að keyra fólk um, lítil sæt vötn með gosbrunnum í, svo ekki sé talað um perfect skipulag á húsunum, en þau eru eins og í Despered Houswifes þáttunum. Þetta er hannað til þess að vera hið fullkomna hverfi sem hefur allt sem fólk þarf í stuttu færi og getur labbað í.
Við kíktum á djammið í Down Town Orlando fyrsta kvöldið, hittum þar John vin Daniels og svo var bara tjúttað. Við sáum þessar ofur-töff löggur á hestvögnum og urðum að fá mynd af okkur með... okkur þótti það allavega svaka sport.... þá!
Við hlógum reyndar endalaust af því að ýminda okkur þá á spretti með byssurnar á loft eftir einhverjum glæpó. Myndu þeir ekki vera skjálfhentir, svona á hestbaki??

Daginn eftir fórum við ÓVART í útimoll. Ég ætlaði bara rétt að kíkja í Nike factory en allur dagurinn endaði í búðum.... -úps-
Ég keypti mér samt bara einn Guess bol, var mjög sterk og hélt fast um veskið mitt. Tel mig góða! Rakel á annað borð er hand-ónýt í því... en hún er ekki orðin svona veraldarvön eins og ég því hún er jú bara nýkomin til lands verslanna.
Eftir búðarrápið þá héldum við heim á leið, og röltuðum á local pöbb þar sem við sátum þrjú og fengum okkur bjór og mat.

Anyways... ég er að hlaða inn nokkrum albúmum frá Tampa, New York road trippinu, heimsókn Hjördísar, og heimsókn til Rakelar og Daniels. Það gengur eitthvað brösulega útaf þessu nýja asnalega systemi hjá shutterfly. Nenniði að segja mér ef albúmin sjást ekki.

Kveðja frá Epla-garða-götu, eða Appleyard drive eins og kanar segja.

2008-09-15T03:05:00.000Z

Við vorum að koma heim til Tallahassee, en við kíktum í heimsókn til fjölskyldu strákana í Palm Beach um helgina. Það var mjög fínt og afslappað. Í gær grillaði Eyjó steikur og kjúkling og bjórinn var að sjálfsögðu ekki langt frá. Eftir matinn sátum við úti í garði og fórum svo í heitapottinn, en það er svaka pottur með innbyggðum græjum, ljósashowi og fíneríi.
Ég fékk svo loksins Jampa Juice Peanut Butter Mood ... MMMMM!! En það eru engir Jampa Juice hér fyrir norðan.
Rakel Arna lendir í ameríkunni á morgun!! Ég vonast til að geta heimsótt stelpuna um leið og skólinn leyfir. Svo kemur Hjördís tengdó til okkar þriðjudaginn eftir viku svo er nóg að gera :)
Æðislegt að fá Íslendinga svona þegar maður býr einn og yfirgefinn einhverstaðar í norður Flórida :)

Skólinn gengur bara vel enn sem komið er. Búin að flytja fyrsta verkefnið mitt, en það næsta verður eftir viku og við eigum að hann a"Children Childcare Center". Þetta er mjög skemmtilegt í heildina, en það er svaka ferli að gera þetta. Við eigum að kynna okkur ALLT sem tengist plássinu. Þurfum að kynna okkur burðarveggi, pípulagnir og fl.
Hér er lokaverkefnið mitt síðan í sumar. En við áttum að hanna listasafn sem hýsir listaverk eftir finnska arkítektinn Alvar Aalto. Mitt "concept" var einn af vösunum hans, svo ég byggði safnið í anda þess. Þ.e formið er svipað og vasinn, notaði mikið af gleri (stólparnir eru þar sem glugginn á að vera). Hver listaverk hafði sínar sérþarfir, td. eitt mátti ekki vera í sólarljósi, annað þurfti að sjást frá báðum hæðum og fl.

Hér sjáiði tæní lyftu og fl. details... annars er þetta frekar stórt módel og sést ekki vel á myndinni.Annars er ég reið útí dollarann fyrir að hækka svona.... svo er bensínið BÚIÐ hér í Tallahassee... án gríns!! Það eru allar bensínstöðvar búnar að breiða poka yfir dælurnar og bara att bú!
Við sáum líka raðirnar á bensínstöðvarnar þegar við lögðum af stað úr bænum á fös... allt útaf fellibylnum.

Jæja, nú skora ég á ykkur vinkonur að byrja að blogga aftur eins og þið gerðuð. Mér finnst ég svo útúr :( Vil vita hvað er að gerast og svona heima :)

Kiss kiss
Maggalaggalá

2008-09-06T18:09:00.000Z

Þá er skólinn kominn á fullt skrið aftur.
Í sumar var lítið mál að finna stæði í bílastæðahúsinu, en þó þurfti ég að labba svo í ca. 7 mín að innannhússarkítekta byggingunni.
Núna er skólinn STAPPAÐUR og ekkert stæði að finna, bókstaflega!
Ég á að mæta á þri og fim kl. 11 og er oftast mætt í bílastæðaleit um 10, en er samt alltaf of sein í skólann!
Það er rosalega þung umferð um skólalóðina (sem er HUGES), og allir sitja fyrir gangandi vegfarendum í von um að þau séu að fara.

Seinasta fimmtudag þá var ég mætt tímanlega og ætlaði að leita af stæði, en þegar ég var að verða of sein þá legg ég hjá bókabúðinni sem er á vegum skólans. Þegar ég kem aftur þá er búið að DRAGA bílinn í burtu!! Þegar ég sótti hann var mér sagt að hann hefði verið dreginn kl. 11:15 (búinn að vera þarna í ca. 20 mín) og ég fékk sekt uppá 6þús !!!
Ég var ótrúlega ósátt... ég var að borga 660.000 kr. í skólagjöld og má hvergi leggja!

Annars er skólinn ekki eins þéttur og í sumar. Næ að anda núna, eða enn sem komið er allavegana.
Ég fór með Karolinu og Kristi út að borða á Mexicanskann stað hér rétt hjá seinustu helgi, en eftir það í partý með Kristi. Í gær var pókerkvöld hjá mér, Viktori og Fannari. Annars fara flestir virkir dagar bara í það að læra.
Við erum reyndar mjög dugleg í ræktinni, förum næstum því á hverjum degi. Keyptum okkur kort hér í Gold's gym, 4þús til að opna reikning og svo 1200 má mán! Ekki slæmt.
En ég nenni ekki að fara í FSU gym, nenni ekki að leita af stæðum allann daginn...

Þetta er svona það helsta að frétta...
Miss you!

2008-08-23T22:53:00.001Z

Hér kemur eitt laaaangt.....

Ég kláraði sumarinnina þann 8.ágúst, og fékk að vita sama dag að ég komst inn! Svo við verðum áfram í Tallahassee meðan ég klára skólann. Sama dag og ég kláraði fórum við ásamt Viktori og tveim vinum hans frá Íslandi til Tampa. Þar fórum við í Busch Garden, spilavíti og mallið. Eftir það var bara pókerkvöld og bjór heima hjá Viktori flest kvöld. Lindsey kom frá Conneticut og var hér í viku og við kíktum öll á pool-bar og fl.

Ég vaknaði þarseinasta miðvikudag og fékk þá flugu í hausinn að mig langaði til New York bara NÚNA! Eftir að hafa sannfært Fannar (var ekki erfitt!) þá lögðum við af stað. Tók aðeins lengri tíma að komast af stað þar sem ég hafði asnast til að fara í litun hér og var appelsínugulhærð (bað um að lýsa hárið aðeins, en það var bara sett á full-bleach takk fyrir...) Ég litaði það þá SJÁLF ljósbrúnt til að dempa litinn, en varð fjólu-grænhærð... tónninn í því allavegana. Ég ætlaði sko EKKI að eiga myndir af mér fyrir framan hvíta húsið og eitthvað þannig útlítandi, svo ég keypti lita-hreinsi og lét það í hárið og sá litur fór út, en ég varð eftir með gula hárið... það var þó skömminni skárra! ... og þó!

Við höfum allaf talað um að keyra til NY en aldrei haft tíma í það... en eftir að Rutta og co. voru á flakki líka þá fannst ég VERÐA að nota þetta frí í það!

Skelli ferðinni upp svona:

Dagur 1: Við lögðum af stað um átta leitið um kvöldið og gistum í Savannah.

Dagur 2: Keyrðum við til Baltimore og gistum þar.

Dagur 3: Fórum til New York og um LEIÐ og við keyrum inná Manhattan stoppar löggan okkur og Fannar fékk sekt fyrir að tala í símann (það er löglegt á Flórida, maður á greinilega að lesa stjórnarskránna til að ferðast hér um). Svo hittum við Gumma og rötluðum um Central Park. Settumst niður á Boat House og fengum okkur bjór í góða veðrinu. Svo löbbuðum við bara um, kíktum á Time Square og fl, en enduðum á Írksum pöbb og fengum okkur að borða.

Dagur 4: Sáum Guggenheim húsið eftir Frank Lloyd Wright.

Bygging sem ég er búin að læra mikið um og gera verkefni eftir. Svo fórum í Museum of Natural History sem var ÆÐI!! Myndin "Night at the Museum" var einmitt tekin upp þar.

"Dumm dumm... give me gum gum" -styttan úr Night at the Museum...

Eftir það tókum við subway lengra niður í Central Park og löbbuðum um garðinn í góða veðrinu. Fórum út að borða á Hard Rock á Time Square og svo í Empire State á 102 hæð takk fyrir! Fórum svo uppá hótel, en við gistum í New Jersey meðan við vorum í NY.

Dagur 5: Tékkuðum okkur útaf hótelinu, keyrðum til Manhattan og fórum að bryggjunni hjá Frelsistyttunni, en röðin var alltof löng, alltof heitt úti og svo sáum við hana alveg frá bryggjunni svo við nenntum ekkert að bíða.

Tókum bara myndir og héldum af stað til China Town. Þar var allt fullt af “metnaðafullu sölufólki“ sem reyndi eins og það gat að troða á mann fölsuðum vörum... dró mann inní herbergi bakvið hjá sér og sýndi fólki varninginn. Löggur útum allt fyrir utan en þau fóru mjög „leynt“ með allt saman hehe. Fyndið að sjá það. Við prúttuðum nú alveg slatta : ) Eftir það ævintýri þá löbbðuðum við um Soho og versluðum aðeins þar líka. Hittum Gumma seinna og fórum á Planet Hollywood. Um kvöldið keyrðum við af stað til Baltimore og gistum eina nótt.

Dagur 6: Keyrðum til Washington og sáum Hvíta Húsið, Abraham Lincon styttuna, háa memorial dæmið þarna til heiðurs hermanna, styttuna úr Flag‘s of our fathers, og svo keyrðum við framhjá Pentagon. Enduðum á pöbb og fengum okkur að borða.

Fannar var í svakalegu stuði þann dag og keyrði alla leið heim, fyrir utan nokkra tíma sem ég keyrði, en það var alveg 14 tíma bílferð!

Skólinn byrjar á mánudaginn... ég hefði viljað fá lengra frí en svona er það. Við erum búin að taka íbúðina í gegn, þrífa, henda öllu drasli og endurraða inni.

En ég er hætt í bili...

2008-08-05T00:58:00.000Z

Já ok ég skal viðurkenna það.... ég sat hérna GRÆN úr öfund um helgina hlustandi á FM957 og öll þjóðhátíðarlögin sem þau spiluðu...

en ég dey ekki ráðalaus, ónei! Ég hef fundið mér aðra eyju til að djamma og djúsa á. Það er enginn Herjólfur, heldur snekkja sem tekur mig til eyjunnar. Ég get alveg tekið með mér gítar og sönglað "frelsið er yndislegt..." á ströndinni við kvöldsólina.... já ég kann sko heldur betur að redda málunum!:) Bahamas verður Vestmannaeyjar í ár ;)

Ég sit hér og er að leggja lokahönd á blue-printið af byggingunni minni sem ég á að skila á morgun. Á miðvikudaginn flyt ég lokaverkefnið mitt sem er listagallerí eftir Alvar Aalto, finnskan arkítekt. Eftir það er bara að fínpússa þau verkefni sem ég ætla að setja í matið sem er á föstudaginn.
Þau tróðu þessum tveim stóru lokaverkefnum á þri og mið, sem ég er svoldið fegin með því annars væri ég í stressi daginn og nóttina fyrir matið... en þann dag, 7.ágúst eiga Fannar og Viktor afmæli, svo ég er mjög fegin því að geta eytt deginum með þeim í rólegheitum burt frá námi:)
Rutta er svo einhverstaðar á ferð og flugi hér í USA, veit ekki alveg hvar hún er niðurkomin stelpan en ég vona að við getum hisst eitthvað:)

Ég mun fá svar um hádegið á fös hvort ég komist inní prógramið!!! Hinn kosturinn er að flytja annað, helst þá Tampa... svo það verður spennó að vita hvar maður endar í vetur. Ef ég kemst ekki inn, þá verður það bara win-win situation því ekki er slæmt að flytja í burtu og búa við strönd og í skemmtilegra umhverfi! En eina ástæðan fyrir því að vera hér ef ég kemst inn er bara skólinn....

Skemmtið ykkur í þynnkunni!

2008-07-25T21:35:00.001Z

Þá er þessi pjakkur orðinn 1.árs.
Leiðinlegt að missa af því, en hann hafði víst ekki undan því að opna pakka í fínu skyrtunni sinni. Orðinn svo stór!

Maður verður að lesa kortin sín....

Svaka mikið að gerast hjá mínum...

Stilltur upp með mömmu...

Núna eru akkurat tvær vikur í annarlok. Allir að fara á taugum, og ein gafst upp. Sem er samt mjög skrítið því í fyrrasumar þá voru aðeins 9 af 20 sem náðu að klára allt/meikuðu út önnina. Minn hópur er líka samansafn af krökkum sem koma af listabraut og prófessorunum finnst við vera einn besti hópurinn lengi. Nema ég, ég kann ekki baun.

Ég var í hópvinnu þessa vikuna þar sem við áttum að stúdera arkítektinn Frank Gehry og hanna fuglahús út frá hans aðferðum. Það fór mest í hlátursköst, walmart-ferðir því alltaf vantaði eitthvað, mistök og nammiát. Þegar við kynntum þá hló kennarinn endalaust af fuglunum mínum því ég bjó til þessa sætu fugla úr bökunarleir og málaði gyllta í anda hússins okkar, og þeir voru svona svakalega fínir að kennarinn sá mig bara fyrir sér sitja og leira þá allann þennann tíma. Hann er svo skondinn þessi kall! :)
Þessi stelpa sem átti heima þarna sem við vorum hjá er ein af þeim sem náðu ekki að klára allt í fyrra. Hún datt út nokkrum dögum bara fyrir matið. Hún sagðist hafa vakað næstum því í 4 sólahringa við að klára lokaverkefnið sitt en náði því ekki!! Hún fékk undanþágu og fékk að taka allt aftur, sem má venjulega ekki.

Næsta verkefni byggist á að gera skil á rými. Við fengum öll úthlutaðar búðir í mollinu og eigum að fara þangað, mæla, teikna, skrifa niður og túlka þá búð (ég þarf varla að fara á staðinn, hóst hóst... ). Svo eigum við að gera "non-literal" interpretation á því rými. Við eigum svo að skila af okkur litlu módeli á mánudaginn, og á miðvikudaginn kynnum við alvöru módelið ásamt öllu ferlinu sem við fórum í gegnum á löngum renning.
Þá eftir það er bara lokaverkefnið eftir og svo bara BÚIN!!! Mikið verður gott að komast í smá frí, þótt það sé kannski bara vika...

Fannar fór til pabba síns í Palm Beach með Gumma í gær og þeir koma aftur á morgun.
Við kíktum út að borða á Mexicanskann stað sem selur þessar RISA margarítur, og fórum svo í pool.
Það er nánast það eina sem ég hef gert held ég bara.... svo það er ekkert að frétta.

2008-07-08T16:42:00.002Z

Þá eru bara 4 vikur eftir, samt var að byrja nýr áfangi sem þýðir MIKIL vinna í mánuð. Bara í þessum áfanga eru 2 verkefni í VIKU sem við eigum að kynna, tala nú ekki um að vinna að þeim og búa til módelið... það er varla tími til að sinna hinum tveim áföngunum sem ég er í.
En sem betur fer er þetta meira en hálfnað... Ég skal hætta að kvarta um þetta blessaða nám... get ekki ýmindað mér að það sé skemmtileg að lesa:)

Fyrir tveim helgum síðan kláraðist fyrri hönnunaráfanginn (it has a point, I promise!), ég hafði vakað alla nóttina við að klára verkefni og möppu sem ég átti að skila inn og kynna fyrir bekkinn. Fannar besti vakti alla nóttina með mér og hjálpaði mér mikið, og þegar ég var búin að kynna þá sváfum við allann daginn, enda var lítið um svefn þá vikuna. Við vöknuðum um 2 um nóttina og ákváðum að skella okkur bara til suður Flórida... við fengum Viktor on board og brunuðum niðreftir. Við vorum komin til Miami um 11 leytið um morguninn, hittum Gumma og spókuðum okkur um á South Beach. Strákarnir fóru á Írskan bar meðan ég stalst í labbitúr í búðir. Keypti mér þetta fallega DKNY úr :)
Seinniparturinn fór í "Bodies", eða safn sem hefur að geyma alla parta líkamans, búið að steypa alvöru líkama í form og þetta er þarna fyrir framan mann eins og í líkhúsi, nema allt stillt upp. Við héldum á heila, sáum fóstur á mismunandi stigum og fl ógeð... en gaman að upplifa svona. Um kvöldið fórum við yfir til Palm Beach að heimsækja pabba strákana og fjölskyldu. Eyjó grillaði eins og honum einum er lagið, enda kokkur, og svo tók drykkja við.

Seinusta föstudag var 4.júlí sem er eins og flestir vita þjóðhátíðadagur kana. Við fengum frí á fimmtudeginum líka því það eru svo margir sem fóru heim til sín og fengu dag til að ferðast. Við notuðum tækifærið og keyrðum aftur niður til Miami og hittum Gumma og Guðna vin hans, en hann var svo góður að leyfa okkur að gista hjá sér. Það var party heima hjá honum á þjóðhátíðardaginn og húsið fylltist af fólki. Íbúðin hans er staðsett rétt fyir ofan ströndina svo við sáum flugeldasýninguna frá svölunum. Eftir það fórum við á opnun Dolce, skemmtistað sem kærasta herbergisfélaga Guðna vinnur á. Hann er risa stór og svakalega flottur! Rakel Arna, ef þú lest þetta þá förum við þangað þegar þú flytur;);) Daginn eftir kíktum við á ströndina og skoðuðum okkur um á Ocean drive.

Svo eigum við Fannar 3 ára afmæli á morgun:) Strákarnir eiga svo 22 ára afmæli 7. ágúst, en ég verð á fullu þann dag því ég á að skila öllu af mér 8.ágúst.
En af því að hann á allt skilið fyrir alla hjálpina í gegnum þessa önn, þá ætla ég að bjóða honum í siglingu til Bahamas í afmælisgjöf. Ekki slæmt það:)

2008-06-29T21:34:00.006Z

Mætt aftur!
Þegar maður ætti að vera að læra þá virðist alltaf hentugur tími til að gera allt annað. Í dag fórum við Fannar og Viktor til Hilmars og Kristínar, Hilmar er fyrrverandi consúll hér f. Íslands hönd og við erum alltaf velkomin til þeirra. Eins og að hafa ömmu og afa hér:) Eftir það fórum við á myndina The Happening sem var frekar skrítin... Strákarnir eru yfir hjá Viktori í póker og ég ætti að vera að vinna að tveim verkefnum, eitt á ég að flytja á mánudaginn og hitt er lokaverkefnið í þessum áfanga. Ég á að hanna klukku, en hún á að vera útfrá einhverju af verkefnunum mínum, með allskonar reglum í kring og þarf að virka! Ég hef ekki hugmynd um það hvernig ég eigi að fara að því að byggja klukku... en ég hef viku til að klára. Hér eru nokkur verkefni sem ég hef verið að vinna að:
Hér áttum við að skera út speglun. Conceptið var Happyness eða Sadness. Hér áttum við að nota gráan, svartan og hvítan lit. Stærðin á verkunum áttu að vera 9x12" og við áttum að finna form (ég valdi kassa og þríhyrning) og búa til samsetningu úr tveim mismunandi stærðum af formunum, og þau þurftu að passa rétt yfir allt svæðið. Það var EKKI auðvelt að púsla því saman. "Stiginn" þarna hvíti eru fullt af litlum þríhyrningum ... Eg fékk mitt A og kennarinn var mjög sátt :)Svo er ég í techical drawing tímum þar sem við erum að hanna okkar eigin skrifstofuhúsnæði -handteikna. Við fáum grófar teikningar frá "fyrirtækinu" okkar og eigum að láta sem við séum að gera þetta fyrir kúnna. Við setjum alla innveggi, hurðar, glugga, húsgögn og eigum svo að velja líka áferð, þ.e hvað allt er gert úr. Í lokin skilum við svo inn fullbúnu hefti sem fer beint í review ið/valið á þeim sem komast inn. Mér gengur mjög brösulega þar sem ég kann bara á metrakerfið góða, en skil ekki upp né niður í inches og öllu því! En kennaranum finnst það bara krúttlegt (segir það alltaf hehe) og aðstoðar mig. Hún er um fimmtugt, alger pæja og gjörsamlega á gelgjunni, ótrúlega fyndin kona. Gaman að því :)
Við vorum að spjalla saman um það hvernig færi ef ég kæmist ekki inn, og sú hugmynd kom upp að reyna að komast inn i skóla í Miami. Það væri alveg æði að búa þar held ég, nema þessi skóli er rándýr einkaskóli og það er allt tíusinnum dýrara þar en hér... en það kemur allt í ljós. Ég er búin að vera svo stressuð yfir þessari sumarönn og hvort ég kemst inn, að það er huggun að vita að það er fleira í boði.
Næstu helgi ætlum við að skella okkur niður til Palm Beach til pabba strákana. Myndum gista eina nótt hjá honum og sennilega eina á South Beach hjá vin Gumma. Þá verður sko slappað af! Nauðsynlegt að komast í burtu frá þessu öllu hérna...

En skemmtið ykkur heima, frétti af góðu veðri... öfund í gangi hér þar sem við höfum bara raka og leiðindi:)
Knús!

2008-06-03T02:04:00.004Z

Mætt aftur!

Ég kíkti á stelpurnar í Tampa þarseinustu helgi. Um leið og ég mætti þá fórum við á steikhús og þaðan beint á djammið. Við fundum aðal partýgötuna og kíktum á nokkra staði. Það sem var eftirminnilegast var þegar við sáum einn bar sem virtist voða vinsæll miða við lookið og röðina, svo við skelltum okkur þangað. Þegar við löbbuðum inn sáum við fullt af þessum stæltu strákum og það sem besta var- þeir voru berir að ofan! Hmmmm
Þá hlauta að koma að því... við vorum mættar á einhvern svakalegan HOMMABAR!
Einn mætti okkur fyrir horn og sagði" you look ZZzzOO cute"...
.... riiiiight....
Daginn eftir fórum við í Bush Garden og rússíbönuðumst sem var algert æði! Eftir það fundum við stærsta mallið í Tampa og skelltum okkur þangað. Við byjuðum á því að fá okkur að borða á Cheesecake factory þar sem við sáum Brook Hogan, dóttur Hogan glímukappa. Þau eru með vinsælan þátt hér sem heitir "Hogan knows best" og svo er Brook líka söngkona (eða að reyna það).

Svo var bara dinglað sér í búðunum, og ekki leiddist okkur það, ónei!
Ég fór heim snemma á sunnudeginum, og stelpurnar héldu leið sinni áfram niður til Key West. Mig langaði ekkert lítið með þeim! Kem næst:)

Anywho, ég er bara búin að vera að læra alla daga, öll kvöld og allar nætur. Næ að smella inn svefni þegar ég get. Reyndar fórum við út að borða á Applebees, við Fannar, Viktor og Gummi. Eftir það var pókerkvöld þar sem Mike bættist í hópinn og drukkið. Ég fór líka í bíó með Karólínu og Justin á myndina Baby Mama með Tinu Fey og Amy Poehler. Þessi mynd er alger a must see movie því við lágum í klessu og orguðum úr hlátri... aðallega útaf Amy!! Verð að sjá hana aftur!
Annars er ekkert að frétta. Ég fór í sprautu í dag útaf heilsutryggingunni minni:(
Frekar hræðilegt:S Skíthrædd við nálar!

En ég æltla að halda áfram að læra. Kynnti verkefnið mitt í dag, próf á morgun, skilaverkefni á fimmtudag og svo kynna annað verkefni á föstudaginn :( Svona eru dagarnir hjá mér. Þetta eru eins og margra mánaða prófatörn. Ég er að vona að hinir krakkarnir gefist upp og hætti svo það séu meiri líkur á að ég komist inn:) Mjög svo illa hugsað um þau greyin, en svona er lífið:P
Annars er ég að setja inn einhver albúm fyrir þá sem vilja skoða:)
-BÆJÓ-

HÆ HÓ!

2008-05-19T00:43:00.003Z

HÆ HÓ!

Skulda ykkur blogg svo hér kemur eitt all svakalegt:

Á þriðjudaginn næsta eru 3 vikur síðan við lentum í Tally en mér finnst við hafa komið í gær. Gummi bróðir Fannars útskrifaðist úr Fsu Law School helgina eftir að við komum og við forum á athöfnina sem var haldin í risa stórum leikvangi.

Á mánudeginum forum við á ströndina við St. George Island sem er lítil og krúttleg eyja í um 2 og hálfan tíma í burtu. Við leygðum öll, semsagt við Fannar og Viktor, Gummi og vinir og ættingjar hans úr eyjum, og svo David sem útskrifaðist með Gumma og kærastan hans, þriggja hæða einbýlishús með sundlaug og öllu tilheyrandi. Algert æði!

Ég fór í tvær orientation, eina fyrir alla nýnema og svo aðra fyrir international students. Á þeirra fyrri áttum við að standa upp og læra hvatningarsönginn fyrir fótboltalið skólans, Seminoles og þá fékk mín nettann kjánahroll!! Ekki útaf söngnum, heldur líka meðfylgjandi hreifingum…

Áður en ég fór í orientation, eða rétta sagt, áður en ég MÁTTI fara inní salinn, þá var ég send í sprautu! Mig vantaði þá einhverjar sprautur á sprautuskýrsluna mina og var bara bannað að koma inn fyrren ég væri búin að fara yfir á heilsugæsluna og láta sprauta mig. Ég gjörsamlega skalf, ég er svo hrædd við nálar. Bað eins og smábarn um að passa að ég sæi ekki sprautuna og konan vorkenndi mér svo, hehe.

Skólinn hjá mér byrjaði svo 12.maí og síðan þá hef ég flutt tvö verkefni fyrir bekkinn… á EINNI viku!! Ég næ varla að anda fyrir heimavinnu, og það er ekki bara stress um að NÁ áföngunum, heldur líka erum við 20 og einnig 40 aðrir sem tóku þetta í vetur, að keppast við að komast inn á brautina í haust. Í lok annarinnar verður “review” þar sem nefnd tekur sig til og fer yfir hvert einasta verkefni sem við gerðum. Við eigum m.a að hand teikna “blue print” af einbýlishúsi og þar verður hver einasta lína skoðuð, hvort pappírinn sé nógu hreinn, og sjónarhornin perfect.

Það er mikil samkeppni meðal okkar, þar sem margir af krökkunum koma af listabrautum og eru mjög vel að sér að teikna.

Ég hinsvegar, get alveg næstum því teiknað óla prik!

Ætti ég að vera hrædd??

En yfir í annað. Fannar og Viktor keyrðu til Tampa og sóttu Tony, lítinn sætann hvolp sem Viktor keypti, og ég er að passa akkurat núna: )

Svo týndist ég á skólalóðinni á fimmtudaginn… ég ætlaði í fyrsta sinn að keyra sjálf í tíma, lagði af stað svaka snemma og með kortið reddí. Þegar ég keyri framhjá innanhússarkítekta byggingunni þá finn ég engin stæði svo ég keyri bara áfram og finn risa bílastæðahús. Ég legg bílnum, legg hæðina á minnið og hvernig húsið leit út.

Nei ég er varla komin út þá er ég TÝND. Ég labba í hringi og bið pylsusjálfsala konuna að visa mér veginn og ég komst í tíma.

En þegar ég ætla að fara heim, þá var AÐEINS meiri vandi á ferð. Ég hafði ekki HUGMYND um hvar þetta helv. bílastæðahús væri! Ég stóð þarna út á horni og horfði í kring, en ÖLL húsin eru byggð úr rauðum múrsteinum og líta alveg eins út! Tala nú ekki um háu trén sem gera manni erfitt fyrir að sjá fram fyrir sig.

Þarna labbaði ég útum allt, spurðist fyrir um bílastæðahúsin og mér bent á hitt og þetta. Ég sá bílinn hvergi á annari hæð í neinum af þessum húsum svo ég hringdi í Fannar og ætlaði að biðja hann um að finna fleiri bílastæðahús á lóðinni því ég skildi auðvitað kortið eftir útí bíl. Þegar hann er að skoða kortið þá verð ég batteríslaus, og ekki nóg með það, heldur þegar ég ætlaði að fara inná skrifstofu til að fá að hringja, þá var nýbúið að loka!

Þarna var ég gjörsamlega ein, týnd og símalaus og leist ekkert á stöðuna. Þá fór ég að spá hvort bílinn hefði nokkuð verið dreginn í burtu þar sem ég á að hafa bílastæðamiða en hef ekki fengið minn sendann í pósti enn. Í örvæntingu minni labbaði ég að svona neyðarstaur þar sem maður ýtir á takka og fær samband við Campus Police. Ég þurfti að segja þeim að ég væri týnd og finndi ekki bílinn minn. Þeir sendu löggubíl eftir mér sem pikkaði mig upp, ég útskýrði fyrir honum hvar ég hefði verið í tíma og hann kíkti í tvö bílastæðahús, og í því seinna fann ég bílinn!!

Mér til varnar ætla ég að sýna ykkur kort af skólasvæðinu, þá kannski skiljiði:)

http://www.fsu.edu/map2007/2007-MapPRINT032500.html

Hér er einnig heimasíða skólans: http://www.fsu.edu/

En svona til að toppa vitleysuna í mér, þá ætla kíkti ég í ræktina og er nottla ekki búin að fá bílastæðamiða, svo ég skellti FSU skírteinunu mínu á mælaborðið á bílnum til að sýna að ég væri nemandi. Þegar ég kom til baka þá þurfti ég að SKAFA kortið upp því það bráðnaði!

Já ég er soddan sauður…

Til að færa athyglina af mér, þá ætla ég að segja ykkur frá því að þegar við Rakel Arna og Elma forum út að borða á Planet Hollywood, þá er alltaf svona stytta af kalli með hnöttóttann haus á borðunum, og það var strákur á næsta borði sem hafði FEST hendina á sér ofaní styttunni! Hann var þannig í dágóðan tíma meðan þjónarnir kepptust við að koma með allskonar olíur og dót til að losa hann… við gátum ekki haldið tárunum aftur! Hahaha

En já, ég var semsagt að koma frá Orlando bara núna áðan, þar sem ég gisti með stelpunum í tvær nætur í húsi sem þær leygðu. Kíktum á Fridays á föstudaginn og fengum okkur kokteila. Laugardagurinn fór í mollin og Nike factory. Svo út að borða á Planet Hollywood eins og ég sagði áðan, og eftir það röltuðum við yfir í downtown Disney og forum á skemmtistað þar sem var tjúttað til að verða 2, en þá lokar öllu hér.

Næstu helgi ætla ég svo að elta þær uppi í Tampa (já þær losna ekkert við mig!). Þar ætlum við að mana hvora aðra uppí fallhlífastökk… sjáum til hvernig það fer!

Annars þarf ég bara að læra allann sólahringinn nánast núna, alveg ótrúlega mikið stress útaf þessu review, eða mati sem fer fram eftir önnina. Ég þarf að hitta ráðgjafa sem fyrst til að búa til plan 2, þ.e hvað ég get gert ef ég kemst ekki inn. Ætli ég verð ekki bara að brosa og vera sætur klaufalegur útlendingur og láta þau vorkenna mér svo mikið að þau geta ekki annað en valið mig: )

Þá er þessi ritgerð búin, trúi ekki að þið nenntuð að lesa…

Kveðja frá Flórida :=)

2008-04-15T22:53:00.003Z

Tíminn á Íslandi hefur flogið frá okkur. Núna eru aðeins rétt um 2 vikur þar til við förum aftur út.
Ég fékk nett sjokk fyrir áramót þegar mér var sagt að ég þyrfti að vera næstu tvö sumur í skólanum , því það þýddi það að við yrðum úti 2 ár straight. Það er svosem ekkert hræðilegt þannig séð, en það er ekkert gaman að vera svo lengi fjarri fjölskyldu og vinum. Þess vegna varð ég líka svona rosalega ánægð þegar mér var tilkynnt að 3.árs matið væri eingöngu á sumrin og við fengum svona langt "early-sumarfrí".

Það er búið að vera ágætis glugga-veður seinustu daga. Vorið kemur hægt og bítandi... brrr
Við Helga héldum uppá sameiginlegt FIMMTUGSAMÆLI þann 20.maí hvorki meira né minna. Við skemmtum okkur allavegana konunglega og þökkum æðislega fyrir okkur:**
Á afmælisdaginn minn, 2.apríl þá fékk ég sms frá heittelskaða um að mér væri boðið á flottasta skyndibitastað heims, McDonalds um kvöldið og ætti að hafa mig til og vera fín. Ég var sótt um 20:00 og lá leiðin í Perluna þar sem við snæddum dýrindis nautalundir, 400gr á mann takk fyrir! Ég er svo mikil dama að ég spurði þjóninn hvort ég mætti ekki bara taka helminginn með mér heim híhí... svona svo ég hefði pláss fyrir eftirréttinn og svona:) Eftir matinn kíktum við upp á barinn og fengum okkur kokteila. Ótrúlega næs að sitja þar bara tvö og spjalla:)

Við Rakel Arna okkur á B-5 um daginn og fengum okkur humarsúpu sem var sko to die for. Eftir það pæjuðumst við í kringlunni. Um kvöldið fór ég í stórafmæli hjá henni Huldu þar sem við létum aðeins of mikið eins og kjánar, eða meira svona fimmára-kjánar. Það er bara gaman:)
Daginn eftir fórum við Fannar svo ásamt Stebba og Sigrúnu á árshátíð hjá strákunum í Borgarnesi. Þar sem þetta er alger strákavinnustaður þá var dagskráin fekar óplönuð og rosalega afslappað alltsaman sem var ekkert nema skemmtilegheit. Þegar við mættum voru allir í pottinum. Við fórum bara inná hótelbarinn og spiluðum og drukkum. Maturinn var svo æði. Eftir matinn var svo bara opinn bar, gítarspil og partý :)

Ég fer í viðtal í sendiráðinu á fimmtudaginn. Komin með alla pappíra frá skólanum og þetta langa fallega og virðulega "velkomin til Florida State University" bréf. Það er svo fyndið hvað skólarnir leggja mikið undir sig. Það stóð m.a í bréfinu að ég væri velkomin í "stórfjölskyldu Seminoles" sem er lið skólans. Piff...
Æ svo verð ég kannski hoppandi skoppandi trítilóð á öllum leikjunum þeirra á endanum ...

Skrifa næst frá Flóró!

2008-03-09T20:06:00.001Z

Vá hvað ég hef verið löt að skrifa hér.
Maður er nú sosum búin að gera ýmislegt seinustu daga. Stelpuhittingar, djömm, heimsóknir, og svo seinustu helgi skelltum við okkur, ég, pabbi, Halldóra, Rakel og Dagur okkur uppí bústað sem pabbi fékk í láni. Restin af familíunni var upptekin. Við byrjuðum á því að versla í matinn og var það sælgætið í aðalhlutverki. Kassi af prins polo, risa machintosh dolla, 12 lítrar af kóki og tveir fullir pokar í viðbót af nammi og gúmmelaði. Við elduðum steik, ég og Rakel fengum okkur bjór í pottinum, spiluðum og höfðum það kósý.

Ég fór svo út að borða á Vegamótum með vinum Fannars og mökum í gær. Rakel Arna kom og hitt okkur og svo Ruttan sem ég hef ekki séð í ár og aldir. Voða kósý að sitja svona og spjalla. Vorum reyndar alltof rólegar svo því verður bætt úr næstu helgi.

Dagur Hrafn stækkar og stækkar... kominn með tvær tennur og í dag sáum við bitför eftir tvær litlar tennur á handarbakinu hans. Einn svaka sáttur með tönnslurnar að hann finnur ekkert fyrir bitunum. Svo er hann að fá svo mikið hár, kominn með ljósar krullur fyrir ofan eyrun. Gæti borðað hann!

Við förum aftur út 29. apríl, og það styttist óðum í það. Bróðir Fannars leigði hús á ströndinni sem við ætlum að spóka okkur í fyrstu dagana. Kvíði svo fyrir hitanum í sumar. Elska snjó! Að sitja í kennslustund í sumarkjól með sólgleraugun á höfðinu hljómar kannski vel... en mér líður alltaf eins og það sé að líða yfir mig af hita. Fæ Monicu hár og læti...
Ég er reyndar ekki ENN komin með svar frá skólanum, og hvað þá landvistarleyfi... en það reddast. Ég sá það á heimasíðu deildarinnar að innanhússarkítektadeild FSU hefði verið kosin í 2. sæti yfir BESTU skólana "in the Sun Belt" 2007 ... sem þýðir víst Texas til Virginíu. Það er ansi stórt svæði í þessu stóra landi svo ég er bara yfir mig spennt! Helga er búin að gera upp hug sinn varðandi námið og hún ætlar að koma með mér :D Þá varð ég enn spenntari! Við ætlum sko að troða okkur í nefndir og taka þátt í öllu. Það eru hönnunarkeppnir og allskonar uppákomur í gangi. Líka svo fáir sem komast inn að þá myndast vonandi gott samband milli allra.

Until later...

2008-01-30T06:28:00.000Z

Já já ég veit... ég er ekki besti bloggari í heimi...

En það hefur bara svooo lítið verið að gerast eftir að ég kom heim. Jól og áramót þutu frá manni, en voru ansi kósý. Núna er ég að vinna í Sporthúsinu alla virka daga, en helgarnar hafa einkennst af skrautlegu partýstandi, enda er komið gott í bili:)
Fannar vinnur og vinnur... held hann sé að safna sér fyrir skemmtiferðaskipi... eða eyju... drengurinn vinnur frá 8 á morgnana til lágmark 18 á köldinn. Í gær vann hann 14 tíma. Svo duglegur þessi elska.
Ég ætlaði að bjóða honum út að borða á Bóndadaginn. Þegar við vorum alveg að koma niður í bæ er ég stoppuð af löggunni útaf því að hljóðkúturinn hafði slitnað undan bílnum og hékk bara þarna afturí. Þá var ég spurð um skilríki, en ég var bara með ameríska skírteinið mitt og fór að afsaka mig... mjög trúverðugt auðvitað fyrir lögguna:S
Meðan önnur þeirra hringdi niðrá stöð til að staðfesta skírteinið mitt, kemur hin og segir að bílinn sem ég var á hafði ekki verið skoðaður síðan 2006!! Ég afsaka mig enn og aftur og segist vera á bílnum hans afa gamla (sem er dagsatt) og ég fengi að vera á honum í nokka mánuði.
Sure hon!
Mér leið eins og stór glæpon...
Ég skammaðist mín í kaf!

Við fórum heim, tók Rakelar bíl og fórum á Nings...
Frábær kærasta þarna á ferð...

Jæja... vildi bara láta vita að ég væri komin á klakann... ekki meiri sól þar til í Maí. Við erum reyndar ekki búin að fjárfesta í flugmiðum, einfaldlega vegna þess að ég hef ekki hugmynd um hvenær ég þarf að vera mætt. Er að vinna í pappírsvinnu fyrir skolann og allt tekur sinn óratíma.
Rakel Arna og Elma voru hinsvegar að næla sér í miða til New York og Orlando. Ég mun bruna til þeirra meðan þær verða á FL. Hlakka til!

**Magga**

2007-12-04T06:30:00.000Z

Nú er seinasta vikan í skólanum að verða hálfnuð og verkefnin hlaðast upp. Lokaprófin skella svo á strax á mánudaginn :S

Ég hef alltaf verið þessi last-minute manneskja, en það hefur breyst þessa önn þar sem við erum búin að ferðast frekar mikið og ég hef vanið mig á að læra með margra daga fyrirvara til að getað komist í burtu. Svo það er ekki mikið stress fyrir lokaprófin að þessu sinni.

Ég fór þarseinustu helgi og hitti Ruttu í Orlando. Ég gisti hjá foreldrum Kalla í tvær nætur, og á fimmtudeginum héldum við uppá Thanksgiving með kalkún og viðeigandi meðlæti. Um kvöldið sáum við í sjónvarpinu raðirnar sem höfðu myndast við verslanir. Fólk liggur við tjaldaði í röðunum! Svo keyrðum við í Outletin eins og hver einasta manneskja stödd í Orlando, til að versla á “Black Friday” útsölunum. Það var allt crazy og fólk útum allt. Við Rutta snerumst eiginlega bara í hringi við vissum ekkert hvar átti að byrja. Þegar klukkan var um fjögur að nóttu fórum við í Florida Mall og kláruðum innkaupin þar. Ég hélt ég myndi gjörsamlega HRYNJA niður úr þreytu, en við versluðum frá miðnætti til eitt eftir hádegi daginn eftir!! Úfff...

Rutta og jólakókið:

Á föstudeginum (eftir að hafa lagt mig) þá keyrði ég til Palm Beach. Þar hitti ég fjölskyldu Fannars, en fór bara að sofa snemma, úrvinda úr þreytu eftir verslunar-brjálæðið. Daginn eftir fór ég með Alexöndru litlu systur Fannars í Mallið í hverfinu þeirra (já ég veit ekki hvernig ég nennti því.... en svona er maður mikill shopping-sjúklingur!). Við rúntuðum um í góða veðrinu með Britney í botni og pæjuðumst í mollinu. Hún er bara 11 ára en mjög þroskuð miðað við aldur, og hún sýndi mér allar flottu búðirnar. Hló meira að segja af barnalegri mér þegar ég skoðaði í Hello Kitty búð... isss... Við enduðum á Starbucks og létum eins og kjánar þar.

Vid Alex:

Afrakstur helgarinnar:

Síðan hefur lærdómur átt hug minn allann. Ég keypti mér risa stóra ferðatösku um daginn svona til að allt komist nú örugglega með mér, svakalega ánægð með það.

Karolina sagði mér svo um daginn að hún væri svona semi skotin í efnafræðikennaranum okkar! Sko þessum sem ég er alltaf að hlægja af! Ég dó úr hlátri og er búin að stríða henni síðan. Geri í því að draga hana með mér inná skrifstofu hjá honum til að fá aðstöð við verkefni:) Hann er svo mikill klaufi greyið og algerlega glórulaus yfir okkur vitleysingunum:) Já það er gott að eitthvað skemmtir mér!

Þegar ég kem heim ætla ég að fara beinustu leið í ræktina. Kem kannski aðeins við heima hjá mér og skila af mér töskunum. Ræktin hefur algerlega setið á hakanum þessa önn... úps. En ég ætla að planta mér á hlaupabrettið milli Helgu og Höllu í Sporthúsinu. Fíflalæti eiga samt eftir að valda þar slysi, en það er bara eins og það er.

Við komum þann 17. desember ... bara svona svo fólk hætti að spurja... ég fæ nokkrar spurningar á dag vegna þessa... en þá er það komið á hreint. Við millilendum í New York og höfum 12 klst til að eyða þar. Við ætlum að taka leigubíl á Manhattan og skoða eyjuna í jólafötunum. Það verður eflaust MUN kaldara en hér á Flórida.... brrrr...

Þessi litli gæi þekkir mig ekki neitt, enda var hann bara nýskírður þegar ég sá hann seinast. Verð pottþétt í uppáhaldi þegar ég kem með öll töffarafötin sem ég er búin að kaupa á hann. Hlakka alveg endalaust til að hitta hann aftur!

Ég ætla að fara að horfa á ELF. BæBæ.

Ps. Alltaf þegar ég keyri í Walmart þá minnir þessi gæji mig á mikilvægi þess að mennta mig... ég fer alltaf beint heim að læra.

HaHaHaHa

2007-11-21T05:04:00.000Z

Við vorum að koma úr afmælisdinner hjá Reida vin okkar áðan á Ruby Tuesday. Á borðinu okkar sat einn herbergisfélagi Reida og svo mamma eins vinarins, sem við áttum að kalla “Mama Hawk” hahaha það fannst mér einum of fyndið. Ekta svona svört suðurríkjakona sem talaði og talaði og talaði meðan maður reyndi að klára matinn sinn. En það hafðist að lokum og við snögg að forða okkur heim.

Núna sit ég og er að klára stærðfræina og pakka fyrir Orlando á morgun. Fannar era ð spá í að skammta mér bara peningnum mínum þar sem við Ruttan lendum á “Black Friday” útsölunum… æjjj en leiðinlegt….. jæja….

Annars er lítið að frétta, bara skóli og læra. Við fengum Gumma bróður fannars í mat í fyrradag, þar sem Fannar syndi enn og aftur snilldartaka í eldhúsinu og gerði sér lítið fyrir og töfraði fram æðislega góða rauðvínslegja Bayonskinku. Ég vissi að það væri ástæða fyrir því að við erum saman… því ekki kann ég að elda!

Seinasta fimmtudag vorum við með Íslandskynningu í hátíðarsal skólans, þar sem við kynntum, ásamt öðrum international nemendum okkar land. Leið ótrúlega kjánalega þarna í einhverjum fjallkonubúning, að reyna að útskýra hvað landið okkar er fallegt fyrir þröngsýnum kananum. Ekki skánaði það þegar kennararnir okkar löbbuðu framhjá "sooo cute".
En það hófst nú og við fengum "volunteer hour" fyrir það.

Farin að lúlla mér….

2007-11-13T22:18:00.000Z

Ein stelpa lagði af stað í leiðangur….

Ég keyrði alein (já finnst það merkilegt þar sem ég er “in a constant state of being lost”) Ég er örugglega sú áttaviltasta í heimi. En með þökk Garmin þá komst ég á leiðarenda.

Það var alveg meiriháttar fjör hjá okkur, enda ekki annars að vænta.

-Drukkum ófáar frosnar margarítur… mmmmmm!

-Fórum í minigolf í einhverjum krókodílagarði innan um svanga krókodíla, Halla hvað vorum við að spá??

-Hver morgun nýttur í sólbað.

-Fórum út að borða á Planet Hollywood við Disney, ég laug því að Halla ætti afmæli og hún fékk kveðju á alla skjái á staðnum og ís. Hugsuðum reyndar ekki það langt að við gætum hugsanlega verið beðnar um skilríki útaf áfenginu sem við pöntuðum… en það var seinnitímavandamál! Grenjuðum úr okkur augun þarna eins og smástelpur. HaHaHaHa

-Mættum L.A Lakers liðinu á leiðinni í Downtown Disney… fundum 70’diskótek en stór kalla-konu dyravörður stoppaði það fun…

-Djömmuðum í Universal Studio City Walk.

-Hittum Michael Jordan… vorum alveg 99% vissar … held mig við það…

-Sáum ALLA Orlando (sökum áttavilltu minnar).

-Versluðum… versluðum… versluðum…

-Fórum aftur á Friday’s sportbarinn , horfðum á rugby-leik og eignuðumst þar vini sem vinna í dýragarði. Höfðum af þeim drykki… stungum af.

Held þetta lýsi ferðinni… hún var allavegana svona fyrir mér, hlakka til að endurtaka svona stelpuferð:)

Halla: anytime!;)

Ruttan mín og Kalli kúla eru nú að fljúga til Orlando innan skamms. Þá verður mikið gaman og mikið fjör. Fannar fer til Palm Beach og verður hjá pabba sínum og fjölskyldu yfir Thanksgiving, meðan mér, óðu verslunarkonunni verður hent til út í Orlando.

Skólinn gengur bara vel. Er í prófum eins og alltaf. Það eru próf jafnt og þétt yfir alla önnina sem gilda mikið, og lokaprófin aftur á móti eru bara um 20-30% sem er mjög þægilegt. Ég þarf að setja í 5 gír og læra alla daga til að leyfa mér þessar Orlando ferðir, en það er alveg þess virði!

Anyhow, ég er farin að stúdera listasögu.

Ps. Fór á "Fred Claus" í bíó í gær, mæli með henni. Alger aulahúmor sem kemur manni í jólaskap!

2007-11-01T01:53:00.000Z

Seinustu helgi skelltum við okkur ásamt *vinapari* okkar yfir til Georgiu. Við lögðum af stað seint og keyrðum í myrkrinu í rúmlega 6 tíma. Áfangastaðurinn var stórborgin Atlanta.
Við fórum nú strax að sofa þegar við komum uppá hótel, enda langur akstur (sem Fannar greyið á allan heiður af).
Daginn eftir fórum við í rússíbanagarðinn "Six Flags", þar sem ég kynntist *hinni hliðinni* á Karólínu.
Hún var voða kúl og hlakkaði svo til í að fara í garðinn, en í hverri rússíbanaferð öskraði hún hástöfum, blótaði og hélt höndunum fyrir andlitið á sér! Svo þegar ferðin var búin þá var komið bros á vör og allt voða gaman.
Við grínuðust með að hún fengi Tourette um "borð" í tækjunum, sem henni fannst ekki alveg jafn fyndið og okkur.
Justin kærasti hennar sýndi einnig á sér aðra mynd. Gaurinn mætti með háls-púða, eyrnatappa og sótthreinsandi fyrir hendurnar á sér sem hann notaði óspart þegar hann fékk sér að borða.... já og talandi um að borða... gæinn hafði SMURT hvorki meira né minna en 17!!! samlokur!!! Sem hann mætti með í kæliboxi takk fyrir.
Við Fannar ætluðum bara að láta skyndibitafæði duga yfir helgina... en jæja...
Það var æðislega gaman í garðinum, þótt hann sé engan vegin eins og Universal og Busch Gardens.
Sunnudagurinn byrjaði með ferð í "Atlanta Sea Aquarium", sem er stærsta fiskabúr í heimi. Þar sáum við bókstaflega allt sem syndir í sjó. Við gengum undir fiskabúrið sem kom í brú yfir okkur, og þarna voru hákarlar syndandi og allskonar sjávardýr. Rosalega flott.
Eftir það röltuðum við í miðbæ Atlanta og hittum Milad. Milad er Írani sem var með okkur í skóla en skipti og flutti til Atlanta. Meðan við löbbuðum upp eina götuna sáum við sama bílinn keyra nokkrusinnum framhjá okkur. Þegar við athuguðum betur hvað væri að þessu liði, þá sáum við að það var verið að taka upp kvikmynd. Leikarar héngu aftaná bílnum með cameru í andlitinu.
Þar sem allt er risastórt í Atlanta, og mun kaldara en á Flórida þá fékk maður smá *NY* fiðring í magann. Við gengum framhjá neðanjarðarMOLLI með yfir 70 búðum í og það þurfti bókstaflega að draga mig í burtu! Ég á eftir að fara þangað aftur til að skoða borgina betur, það er bókað mál:)

Eftir akkurat 9 daga keyri ég niðureftir endilangri Flórida (segir maður ekki svoleiðs?) og hitti hana Höllu sköllu og co. Það verður eflaust mikið gaman og mikið fjör eins og Laddi segir. Stelpan ætlar að draga mig á City Walk í Universals Studio sem er bara pöbbarölt í Univ.garðinum. Það er endalaust gaman!

Jahérna já... það er annars lítið að frétta... Halloween er í dag og krakkar útum allt að sníkja. Prófessorarnir mínir mættu í búningum í skólann. Grasker gekk á milli með nammi í sem við máttum fá okkur úr. Svo skítið hvað þetta er stór hátíð hérna.
Thanksgiving skreytingar eru líka komnar útum allt og JÓLASKREYTINGAR!!! Hvað er málið?? Má ekki láta eina hátíð njóta sín í staðin fyrir að klessa þessu öllu saman? Fólk verður bara ruglað á þessu svei mér þá.

*** 6 vikur í heimkomu:) ***

Nýjar myndir í albúmi!

2007-10-19T18:55:00.000Z

Þar sem Ísland er lítið land, og fólk yfirleitt viti ekkert um það (tala nú ekki um þegar þau hafa ekki grænan HVAR það er), þá hefur mér liðið svolítið eins og við værum í sviðsljósinu seinustu daga.
Það byrjaði nú þannig að ég var stödd inn í mátunarklefa í uppáhalds versluninni minni, Forever 21, þegar Björk "okkar" stelur senuni og ómar um alla búðina.
Nú morguninn eftir er ég að labba úr tíma í annan, þegar ég heyri tvær stelpur fyrir framan mig telja upp lönd sem þær ætla að heimsækja aður en þær... já. Mest var talað um Íslandið okkar, og hvað það væri fallegt og öðruvísi. Greinilega mikið í tísku meðal kanans.
Ég skellti mér svo í litun í gær, þar sem stelpan sem litaði mig spurði mig hvort "Vilhjalmsdottir" (já, bar það rétt fram), væri íslenskt.
Þá hafði hún hitt íslenska stelpu sem býr í Orlando og þekkti söguna bakvið eftirnöfnin okkar.
Humanity kennarinn minn kom svo til mín um daginn og bað mig að halda smá kynningu á landinu okkar. Þar sem þetta er listaáfangi, þá fannst henni tilvalið að biðja mig að sýna hvernig íslensk náttúra hefur stóran þátt í mörgun listaverkum, sögum og fleiru. Ég fæ að sjálfsögðu auka "kredit", eða stig (allt metið í stigum, en ekki prósentum eins og heima).

Þessi óbilandi áhugi á landi okkar og þjóð er að stóraukast. Hvort það sé slæmt eða gott er svo annað mál.

En yfir í annað.
Chemistry kennarinn minn er fyndinn.
Hann er það fyndinn að ég labba oftar en ekki út úr tímum með maskara niður á kinnar.
En í fyrradag gerði hann endanlega útaf við mig. Maðurinn mætti gallvaskur í kennslustund og ætlaði að sýna okkur dæmi um "reactions".
Þá tók hann upp þessi huges GRÆNU KAFARA GLERAUGU og setti á sig, og byrjaði að blanda eitthvað sull sem lak út um all skrifborðið hans:)
Hann er samt svona maður sem veit allt. Hann gerir sér alveg grein fyrir þvi að hann er að kenna nemendum sem nenna ekki að læra efnafræði en þurfa þess. Svo hann setur allt upp svo fyndið til að við munum.
Þegar hann var að kenna okkur í fyrsta tíma um tilraun, athugun og allt það, þá sagði hann okkur dæmi um ef við stingum litlu systur okkar með blýanti og hún meiðir sig, þá heppnaðist tilraunin. Ef við prufum aftur, til að testa tilraunina, og hún meiðir sig ekki, þá gæti verið að eitthvað fór úrskeiðis. Td. að við snérum blíantinum öfugt!!!
hahahahaha
He kills me one day...

Annars er farið að kólna örlítið hérna í ameríkunni. Sólin farin i helgarfrí, og ég labbaði í morgun í skólann í helli dembu með risa regnhlíf. Svoldið skrítið að vera í stuttbuxum og hlýrabol með regnhlíf... en ég og bækurnar mínar lifðum það af.

Eg ákvað að skella inn myndum af Tallahassee (stal þeim bara af netinu):

Sú seinasta er frá skólalóð FSU (bókasafnið). Þetta verður mín "bókhlaða" ef ég kemst inn:)
Ekki svo slæmt:)

-Ekki meir í bili-

2007-10-10T02:05:00.000Z

Við lögðum af stað til Orlando á föstudaginn eftir skóla. Okkur langaði á Halloween Horror Night í Universal Studios, en þar sem spáin var ekkert alltof góð þá ætluðum við bara að sjá til. Jafnvel gera eitthvað allt annað.
En á leiðinni þangað hringdi Gummi og sagði okkur að hann ætlaði að koma og hitta okkur í Orlando daginn eftir ásamt pabba þeirra og litlu systkinum:)
Fyrsta kvöldið kítum við Fannar á einhvern risastóran Friday's, og eftir matinn þá fórum við á barinn og sátum þar og spiluðum póker í tölvu á barnum.
Daginn eftir FÉKK ég aðeins að kíkja í Milenia Mall (OF gaman!) meðan við biðum eftir hinum. Þegar þau komu, þá tékkuðum við okkur inná hótelherbergið sem Eyjó tók fyrir okkur og fengum okkur bjór.
Eftir það bauð hann okkur út að borða, og síðan lá leiðin í Univesal Studios. Veðrið var æðislegt, engar þrumur og eldingar eins og spáð var:)
Garðurinn var fullur af verum sem eltu mann, sem var frekar scary í reyknum sem var í öllum krókum og kimum. Þar vorum við alveg til 2 um nóttina, eftir að hafa farið í ógeðsleg draugahús. Ég fór í gegnum húsið hans Freddy Krugers þar sem maður labbaði meðfram veggjum og allt í blóði, "fórnarlömb" hans öskrandi á mann alblóðug að forða sér, og svo loksins hann sjálfur poppandi upp beint í andlitinu á manni og ég sver það ég öskraði eins og smábarn! Einnig manaði ég mig upp í að fara í nokkur önnur hús, en svo var ég bara með Alexöndru í hinum "venjulegu" tækjunum á meðan þar sem hún var sjálf hrædd við þessa kalla.
Á sunnudeginum fórum við í morgunmat á Denny's og svo heim.

Kosturinn við að vera komin "heim" í Tallahassee er að það er ekki eins heitt og í Orlando. Úff... Mig hlakkar bara til að koma heim í snjóinn og slydduna á Íslandi:)

Skólinn gengur mjög vel, búin að fá frábærar einkannir hingað til. Ég klára TCC um jólin, svo ég fór um daginn og talaði við deildarstjórann í FSU-interior design programinu og hann sagði mér að ég þarf að fara í gegnum árlegt "mat" hjá þeim. Ég þarf að taka 4 fög, og svo velja þeir úr bestu nemendurnar.
Þeir taka aðeins 40 nemendur allt í allt á hverju ári! Tek það fram að FSU hefur alls 80.000 nemendur (í öllum deildum)!
Hann sagði mér einnig að tveir af þessum áföngum eru bara kenndir á sumrin, en bauð mér að taka tvo eftir áramót og tvo um sumarið. Bæði til að hafa lengri tíma til að vinna við þessi verkefni, og líka svo ég þurfi ekki að bíða þar til í sumar til að byrja.
EF ég kemst inn, þá mun ég vera bundin í skólanum í 6 annir í röð. Tvö ár straight! Sumarannir eru skylda... æðislegt! :(

En það kemur í ljós hvað við gerum eftir jól, hvort ég tek hálft nám og verð hér, eða komi heim og fari út aftur í sumar.
*Langar Heim*

En það kemur bara allt í ljós... of mikill höfuðverkur.

NÝJAR MYNDIR: Busch Garden, Viktor í heimsókn og Halloween Horror Night í Universal St.

-bless-

2007-09-30T05:10:00.000Z

Ég sit hér ein á laugardagskvöldi og er að lesa. Fannar fór á "play-date" eins og ég kýs að kalla það. Hann fór með Mark og Greg að spila Halo3. Ég tek lesturinn yfir það.
Ég fór með Karolínu, Farnaz og 8 öðrum á Shisha, eða Alladin í gær. Ég hef ekki enn áttað mig á tilganginum þar. Staðurinn er allur skreyttur í Indlands-þema; teppi á veggjum, lágir bekkir, púðar útum allt, þjónustufólkið klætt í indversk föt og fleira framandi. Við sátum í hring, flestir voru reykjandi jurtaté úr risastórum skreyttum pípum sem standa á gólfinu. Við Karolína fengum okkur bara súkkulaðisjeik með tilheyrandi sjokki þjónsins.
Fólkið fyrir aftan okkur hló og hló svo ég fór að efast um hvort þetta væri í raun aðeins jurtaté, sullið í pípunum.
Ég ákvað að stinga af með Randy og Donatta á einhvern "upper class club", en þar voru Fannar, Mark og fleiri. Þar fengum við okkur ófáa kokteilana og spjölluðum um hitt og þetta.
Eftir það var farið og fengið sér að borða.

Ég og Donatta

Í dag er ég svo bara búin að vera að læra. Próf á mánudag og ritgerðarskil á miðvikudaginn. Annars finnst mér ég varla búin að gera nein óskup þessa önn, það er svo stutt síðan við komum hingað, en samt er hún næstum hálfnuð!
Til að bæta úr því þá ætlum við að skella okkur til Orlando á Halloween Horrornigh í Universal Studio næstu helgi. Karolína og Justin kærasti hennar koma sennilega með okkur. Þetta á víst að vera ógeðslegt alveg, Mike Myers, Leather-face og þessir kallar verða þarna labbandi á milli og hræða líftóruna úr fólki ásamt fleiri uppákomum. Svo styttist í að Ruttan og Kalli koma, en það verður yfir Thanksgiving og við Fannar erum í 4 daga fríi. Verðum í Orlando með þeim í einhverja daga og ef ég þekki okkur stelpurnar rétt þá verða verslunarferðirnar ekki sparaðar.

Annars er allt gott að frétta af okkur. Mig langar mest til að sjá Dag Hrafn, sem er búiinn að stækka eins og ég veit ekki hvað. Farinn að snúa sér yfir á bakið og lyftir höfði. Ég hef bara séð hann í web-cam og finnst hann hafa stækkað svo fljótt! Hlakka endalaust mikið til að sjá hann um jólin, en þá verður hann orðin 5 mánaða! Rakel er með barnaland síðu sem hægt er að fylgjast með honum: Dagurhrafn.Barnaland.is Hann er sætasta barn í heimi og mesti töffari sem ég þekki;)

(Vonandi er í lagi Rakel að ég fékk þessar myndir "í láni"?)

2007-09-20T05:12:00.000Z

Ég var að koma úr humanitie prófi og það er eitthvað ekki alveg eins og það á að vera......

Mér finnst þetta STÓRSKEMMTILEGUR áfangi og mér gekk ótrúega vel á prófinu. Verst er að mig hlakkar til næsta tíma og sjá fallega A-ið mitt, og eins til að fræðast meira um efnið.

There... I said it!

Ég veit ekki hvað hefur komið yfir mig. Að MÉR skuli finnast listasaga svona skemmtileg? Á dauða mínum átti ég frekar von á.

Við erum að læra um tímabilin upp að Baroque, ss. Rainassance, Mannerism og Catholic Reformation. Þarna koma fyrir kallar eins og Michelangelo, Bernini, DaVinci og fl. Við eigum að þekkja hvað var að gerast í heiminum í gegnum málverkin. Við erum svo rétt byrjuð í arkítektinni. Það er magnað að fræðast um Louvre og Versali, hvernig þetta var byggt og hver var pælingin bakvið. Mig langar svo að ferðast um Evrópu og skoða öll þessi gömlu listaverk.

Ég held ég þurfi að leggjast niður og jafna mig á þessari uppgvötun minni.

-Bæ í bili-

2007-09-12T23:46:00.000Z

Þá eru 3 vikur síðan við komum. Það er ágætis hreyfing sosum. Núna eru "bara" 3 mánuðir eftir.

Jæja, þá er Viktor farinn frá okkur. Fannar skutlaði honum til Orando í dag. Flugið fór kl. 19 á okkar tíma, svo Fannar greyið er enn að keyra heim (4-5 klst hvor leið).
Það er búið að vera svaka gaman að hafa hann hér. Eyjó, Viktor og Alexandra komu til okkar þarseinasta föstudag. Við kítum í minigolf og svona á laugardaginn, en á sunnudaginn keyrðum við niður til Tampa og vorum samferða Eyjó og Alex áleiðis.
Við gistum á fínu hóteli, með innisundlaug (eða meira svona strönd inni!), veitingahúsum og börum. Okkur langaði að kíkja á hótelbarinn þegar við höfðum hent frá okkur dótinu. Löbbum inn (bjuggumst við að heyra dúndrandi tónlist og stuð) en nei, við löbbuðum beint inná leikritið sem Chandler fór óvart einn á "why don't you like me" !!! .... eða svona næstum...
Uppi á sviði stóð strákaleg stelpa og fór með einhverjar línur...

-við vorum mætt á "poetry-night" -

Fengum okkur sæti aftast og ég rétt náði að halda hláturstárunum inni þegar við gátum ekki meir og fórum.

Næsta dag fórum við í Busch Garden. Það var ÆÐI. Þrátt fyrir að vera Labor Day, þá var óvenju lítið að gera. Við náðum að fara í öll stærstu tækin (nokkrusinnum í hvort) og gert aveg heilmikið.

Það var reyndar ekki jafn spennandi að keyra alla leið heim aftur...

Póker hefur verið afar vinsæll síðustu daga. Ég vann $100 ... en mátti ekki segja frá til þess að passa karlmanns-stoltið því það hitnaði heldur betur í kolunum... en þið heyrðuð það ekki frá mér!

Eins kíktum við á skemmtistað sem er víst rétt hjá okkur. Hann er risa stór og á 3 hæðum. Ekki slæmt það...

Skólinn er byrjaður af alvöru. Ég sótti um útskrift um daginn, og nú þarf ég bara að fá viðtal hjá deildarstjóranum í FSU. Þeir taka aðeins 40 nemendur!
Baka fyrir hann möffins eða eitthvað...

2007-08-29T20:31:00.000Z

Ohh ég vildi að sumarið væri bara hálfnað, var svooo gaman:)
Hápunkturinn var auðvitað að fá þennann gutta í heiminn, enda er þessi frænka hér að springa úr stolti!!!;)

Ég á alveg svolítið í honum líka...

Svo var alltaf eitthvað skemmtó í gangi. Ég er fegin því að ég var ekki uppá hóteli á næturvöktum, þá hefði ég ekki hitt neinn að viti.

Mikið djammað ...
Við áttum 2.ára afmæli...
Fór í ferðalög...Mikið grillað á Háhæð, fékk æðislega vinnu, hitti eiginlega alla, gott veður og allt eins og það átti að vera (",)

Þá er þessi önn komin á skrið.
Við lentum í Jacksonville á þriðjudags kvöldið. Gummi sótti okkur, og þar sem við "gleymdum" að láta kveikja á rafmagninu með fyrirvara, þá gistum við á hóteli fyrstu nóttina.
Um helgina var okkur boðið með á ströndina, en mamma Gumma, tvær vinkonur hennar og systir hans leigðu hús þar. Þar var drukkið, spilaður póker og farið út að borða. Ég gerði tilraun til að fara í sjóinn með litlu systir hans Gumma, en var of hrædd við risa krabbana :(

Skólinn byrjaði í gær, og ég er mjög sátt með kennarana mína og töfluna. Tek efnafræði, stærðfræði og tvo "humanities" (listasaga blahhh). Brá svolítið þegar ég mætti í fyrsta tímann minn. Það fyrsta sem kennarinn sagði okkur var neyðarnúmer hjá TCC camp-police!!! ... jahá! Á maður að vera hræddur eða??
En Mr. Berg (eða Böööörg) var nú ábyggilega bara að hafa allt á hreinu svona... eða það vona ég.

Karólína var alveg himinlifandi við að hitta mig. Við erum saman í efnafræði. Vorum nú góðar saman í líffæði í fyrra, alltaf spurjandi um einföldustu hluti. Ég kenni enskunni um!

Næstu helgi koma Viktor og Eyjó pabbi strákana til okkar. Það er frí á mánudaginn vegna Labor Day (ekki grænan hvað það er en jæja) og þá ætlum við sko að keyra eitthvað á fína bílnum okkar með glænýja GPS tækið ;) ( misstum okkur aðeins í innkaupum þegar við komum).
Okkur langar annaðhvort til Tampa og fara í Bush Gardens, eða keyra til Atlanda, Georgiu og fara í eitthvað risa fiskabúr og leika okkur. Kemur í ljós.

-MAGGA-

2007-08-13T17:56:00.000Z

Þá er litli guttinn kominn með nafn!
Hann var skírður í gær, og hlaut nafnið Dagur Hrafn :) Alger gullmoli þessi dúlla! Ég og föðurbróðir hans vorum skírnarvottar. Hans Markús skírði, og var veislan haldin hér heima. Innilega til hamingju Rakel mín! :**

2007-08-05T21:38:00.000Z

Seinustu helgi skelltum við okkur til Flateyjar. Ég, Rakel Arna, Elma, Sigrún, Fannar, Viktor, Stebbi og Haukur. Við gistum í húsi sem fjölskylda Elmu á og skemmtum við okkur konunglega þrátt fyrir umsátur kríuhers allan tímann! Við dóum ekki ráðalaus og gengum í skrokk á þeim. Hörkufólk hér á ferðinni!

Ég setti inn albúm með myndum frá ferðinni. Eins setti ég inn albúm með hinum og þessum uppákomum.

2007-07-21T23:57:00.000Z

Litla dúllan er kominn í heiminn!!

Hann lét sjá sig uppúr klukkan 2:37 á laugardagsnóttina. 17 merkur þessu bolti. Furðulegt hvað hann komst fyrir í litlu kúlunni á litlu Rakel :)
Allir yfir sig ánægðir. Ég var viðstödd fæðinguna sjálfa og allt gekk í sögu. Alveg fullkominn!!!:)

2007-07-11T23:08:00.000Z

"Maðurinn sem lést í umferðarslysi í Norðurárdal í Skagafirði að morgni sunnudagsins 8. júlí s.l. hét Þorbergur Gíslason til heimilis að Hveramýri 2, Mosfellsbæ. Hann var tuttugu og eins árs, ókvæntur og barnlaus, samkvæmt upplýsingum frá lögreglunni á Akureyri".

Ég sá hann síðast bara fyrir stuttu. Ég var að þjóna, og hann stríddi mér á hversu mikill klaufi ég var með bakkana. Beggi var alltaf með bros á vör og stutt í grínið.
Það er ótrúlegt hvað lífið kemur manni sífellt á óvart.

Hvíldu í friði elsku Beggi.

Begga lést einnig seinasta vetur, og var það einnig sjokk. Við náðum rosalega vel saman og spjölluðum um lífið og tilveruna heilu næturnar í vinnunni.

Þetta voru alveg hreint frábærir krakkar, og á ég ekkert nema æðisegar minningar frá því þegar við unnum öll saman.

Lífið er alltof stutt... við eigum að njóta þess sem við höfum og vera þakklát fyrir hverja einustu mínútu.

2007-06-27T23:07:00.000Z

Nú fer að líða að lok Júní og tíminn flýgur frá.
Dvöl okkar hér í sumar er að verða hálfnuð, og búið að vera æði.

Ég, Helga, Rakel, Elma og Anna skunduðum gallvaskar í Svínafell seinasta föstudag. Þar var mikið hlegið, skoðar, labbað, sleikt sólina og fleira. Æði!!
Svo eru fleiri útileigur á næstunni, td. Flatey.... eins gott að ég komist með!!! Elma búin að hóa í lið og verður það án efa fjör.

Ég er í fríi um versló... ætli maður fylgi ekki eitthvert. Vatt to do?

Setti inn myndir, bæði frá útileigunni miklu og svo bara svona héðan og þaðan seinustu mánuði.

2007-06-07T22:00:00.000Z

VINNA VINNA VINNA

... lítið annað gert.

Fór í gær á nýliðakynningu hjá Egg í Kringlubíói ,og eftir hana var kveikt á Ocean's thirteen sem var alveg ágæt bara.

Ööööö... annars er nákvæmlega EKKERT að frétta!
Bíð bara spennt eftir að fá litla frænda og verð ég að sjálfsögðu viðstödd fæðinguna, en hann á að koma í heiminn þann 18.júlí :) Hlakka svoooo til!

Jæja, bæbæ

2007-05-20T13:43:00.000Z

Frétt af mbl.is

Lögreglan á Höfuðborgarsvæðinu lýsir eftir 40 ára gamalli konu, Guðríði Björgu Gunnarsdóttur. Guðríður er þéttvaxin, um 1,70 sm. á hæð með stutt dökkt hár. Ekki er vitað um klæðaburð. Þeir sem vita um ferðir Guðríðar eftir þriðjudaginn 15. maí eða vita hvar hún er, eru beðnir um að hafa samband við lögreglu í síma 444 1000.

1,70 SM !!!!!!!!

Ekki nema von að hún sé týnd.... svona smávaxin.

En við erum semsagt komin heim núna... reyndar alveg 2 vikur síðan. Svakalega gott að komast heim! Ég er byrjuð að vinna í EGG, er að vinna í hönnunarsetrinu þar við að hanna eldhús- og baðinnréttingar. Alveg rosalega fínt. Fannar er að
vinna í Logoflex, skiltagerð og líst einnig vel á.
Í gær skelltum við okkur í útskriftarpartý til Ástu skvís og var mikið fjör þar á bæ.

Ég var að spöglera hvort ekki væru einhverjir til í bústaðaferð sem fyrst? Who's with me??

Að lokum vil ég óska öllum þeim sem eru að klára prófin sín, eða útskrifast til hamingju með það ;=)

Bye yall!

2007-04-27T07:59:00.000Z

Þá er þessi önn búin hjá mér. Seinasta prófið var í gær og MIKILL léttir yfir því.
Annars var þetta frekar fljótt að líða, eiginlega ekkert stress þannig séð. Við Fannar fórum á ströndina í St.George Island sem er eyja í um 1 1/2 tíma frá okkur. Það var æði að liggja bara á ströndinni og læra í rólegheitunum.

Núna eru bara 5 dagar þar til við lendum á Íslandi. Ætlum að nota tíman þangað til í að pakka og þrífa og svona. En við ætlum að halda íbúðinni í sumar. Nenntum sko ekki að tæma hana. Svo ef einhver á leið til Flórida þá er yfirgefin íbúð þarna einhverstaðar norðanlega fyrir þá sem hafa áhuga:P
Á eftir fer ég í nudd, fótsnyrtinu og andlitsbað í boði míns elskulega kærasta. Heldur betur þörf á eftir allan þennan próflestur. Helgin fer svo í að versla og hana nú! Mér tókst að plata Fannar að koma með mér, en BARA því honum VANTAR föt. Það fer örugglega þannig að við förum í eina búð, hann tekur allt saman á 5 mín og fer hehehe... strákar piff....

2007-04-17T04:54:00.000Z

15 dagar þar til ég lendi á Íslandinu !!!

... og tel niður:)

Ekki mikið að frétta af okkur. Bara lærdómur og meiri lærdómur. Þessi vika er síðasta kennsluvikan, og svo bara próf strax eftir helgi. Úff...

Ég átti afmæli 2. Apríl og það var hellingur að gerast þá. Fögnuðum með krökkunum í skólanum afmælisbörnum í Apríl með því að fara öll út að borða á flottann veitingastað. Vorum 3 afmælis-stelpurnar og fengum að sjálfsögðu köku og svona. Svo helgina eftir var farið á djammið. Var búið að plana fyrir mig afmælis-partý á einum skemmtistaðnum. Um miðnætti var svo komið afmæli hjá Genessu og það var surprise partý heima hjá henni, svo allir fóru þangað.

Margra daga hátíðarhöld svei mér þá.

*Ég setti inn fullt af myndum*

Heiða Karen er í Flórida núna með Valda vini sínum. Hún er bara 4 klst í burtu frá mér, en ég hef ekkert hitt hana samt. Skólinn er staðráðinn í að koma í veg fyrir að við hittumst :S

Við verðum að sjá til og vonandi get ég keyrt niður til Tampa og knúsað hana. Hef ekki séð Heiðu síðan seinasta sumar!!!

Anyways, eins of flestir vita þá var skothríð í Virginia Tech Campus. Þetta er á öllum fréttastöðvunum hérna, og verið að sýna myndbönd sem nemendur hafa tekið upp á símann sinn og sýnir árásamanninn skjóta.

Það sem skrítna er finnst mér, er það að hann skaut fyrst kl.7 um morguninn, og gat svo komið aftur tveim tímum seinna til að skjóta fleiri. Kennararnir stöðvuðu ekki kennslu þótt þau heyrðu skothríð.

Hvar var lögreglan, eftirlitið eða einhver til að hefja STRAX leit af manninum? Þau hefðu getað komið í veg fyrir seinni árasina sem var jafnframt sú banvænust.

Nóg um það.

Mig hlakkar til að koma heim!!

Sjá þetta krútt í Júlí!!!

Feitabolluna mömmu hans (alger pæja samt!):

Nýja voffann okkar:

... og bara ALLA!!!!!

(þig líka Hadda :** - hehe)

-Adios-

2007-04-05T05:13:00.000Z

Jæja þá er maður orðin árinu eldri. Næstum hálf-fimmtug!
Fannar var með surprise handa mér eftir að mér var hent í mollið í 3 klst. (mér leiddist það sko ekkert!). Hann var búinn að kveikja á kertum, raða eldhúsborðinu okkar í stofuna og stillti upp afmælisgjöfum. Svo var hann búinn að elda nautalundir og allt með. MMMM ekkert smá gott!!!
Hann gaf mér dekurdag; Heilnudd, andlitsbað, hand-og fótsnyrtingu :) Geðveikt ánægð;) Svo ég kem alveg endurnærð heim til Íslands, hehe.
Jæja, svo eru bara nokkrir dagar eftir af skólanum, prófin byrja um 20.apríl!!
Viktor, hitt eintakið ætlar að koma og vera með okkur seinustu tvær vikurnar:) Fannar er alveg hrikalega spenntur að fá bróður sinn:)
Kvíði bara fyrir því að búa með TVEIM strákum! ;)
ó-boy
haha

Það er sko sannarlega komið sumar hér á Flórida. Orðið rosalega heitt. Í dag var Student Faculty day (eitthvað sem nemendur gera með kennurunum), þá voru básar útum alla skólalóð, danskeppni (rapp-grín eitthvað), leikir, matur/drykkir, kandíflos og helling af skemmtilegu dóti. Ég aðstoðaði Mark við að búa til Pina Colada og gefa fólki.

Karólina og ég (Hawai þema)
Milad, Karólina og Mark

Farin að sofa, halda ræðu snemma í fyrramálið:S:(

2007-03-30T07:59:00.000Z

ÉG KEM HEIM 2.MAÍ !!!!!!!!!!!!!!!!!

Jább, okkur tókst að kaupa okkur flugmiða eftir langt og strangt leitarferli... icelandair eru bara fégráðugir svikarar og ekkert annað! Nenni ekki að fara útí það nánar...
Anyways... ég var að koma heim af djamminu. Fórum nokkur saman á Bullwinkels, og borguðum bara 5$ inn og drukkujm frítt:) Svo það var bara svaka fjör. Einn var borinn heim, en annars allt í góðum gír.

Seinustu helgi fór ég í útileigu með krökkunum í ISO. Við lögðum af stað á föstudegi og vorum til sunnudags. Það var rosalega gaman hja okkur. Stelpur gistu saman og strákar saman, smá flashback frá grunnskola:p Við fórum á kajak í góða veðrinu, sólbað, leiki, volleyball, skutum úr boga og örfum og sögðum draugasögur við varðeld sem við kveiktum í miðjum skóginum. Sumar urðu svo hræddar að öll nóttin fór í öskur og kjánalæti! hehe

Næstu helgi er svo "Spring time Tallahassee", sem er einhver dagur sem fer í allskonar uppákomur. Lindsey hringdi í mig í dag og spurði mig hvort ég vildi koma með sér að fylgjast með skrúðgöngunni og fleira, en ég varð að segja henni að ég gæti ekki farið með henni..... því ég væri Í sjálfri skrúðgöngunni!!! hahaha how lame! Við tókum það semsagt að okkur að bera íslenska fánann (eða Fannar), og ég verð fremst að halda á einhverjum borða:P Lindsey hló endalaust og sagðist ætla að mæta með myndavél og hlægja af okkur!:P

En jæja já, ég er búin að setja þrjú albúm inn, frá International Café, St.Patricsday/afmæli Marks, og Camp Cherry Lake.

Ætla að fara að lúlla mér... bæjó!

2007-03-13T23:31:00.000Z

Ég var að fá lítinn bróður heima!!!!!!! Ekki sætur!!??!!??!!??

Ponsu lítill voffastrákur;)

Svo er annar lítill strákur að koma á heimilið og hefur hann boðað komu sína í Júlí.
Nei ég er ekki ófrísk bara til að forðast allan misskilning, heldur er hún Rakel systir að koma með lítinn erfingja, kallaður "Doddi litli" að svo stöddu. Ég er svo búin að þræða barnabúðirnar hérna og VÁ hvað það er mikið sætt til!!! Planið er að verða sko uppáhalds-frænkan og koma alltaf með sniðugt dót frá útlöndum:P

Er þetta ekki krúttó?? á 3-6 mánaða:P

bæbæ

ps. hafiði einhverntíman velt því fyrir ykkur hversvegna stafirnir á lyklaborðinu eru ekki í stafrófsröð?

2007-03-11T01:35:00.000Z

Jæja, þá er Rakel farin og lærdómurinn tekinn við.
Við skvísurnar skelltum okkur til Panama City og gistum þar í tvær nætur. Þar fórum við meðal annars á La Vila, stærsta skemmtistað í USA. Hann var vægast sagt GEÐVEIKUR! Með 11 theme rooms, og 7 dance floors, já það held ég bara;) Eitt "herbergið" var við sundlaug, og þar lágum við á nokkurskonar rúmum og sötruðum í rólegheitunum. Án efa flottasti skemmtistaðurinn sem ég hef séð;) Á heimleidinni fórum við til Destin Beach. Þar eru ríka og snobbaða liðið. Við kíktum á ströndina og svo enduðum í búðarrápi.

Jæja, ætla ekki að þræða alltsaman, en myndirnar eru komnar svo þið getið skoðað ef þið viljið. -bæbæ-

2007-03-02T17:14:00.000Z

Þessi stelpa þarna kom til mín 22 febrúar. Við skunduðum strax daginn eftir niður til Miami... eða þar enduðum við allavegana eftir allskonar útúrsnúninga og stopp:P Við "urðum" auðvitað að stoppa í Orlando í malli þar, algjört möst sko! Eftir að leita af hótelinu okkar í vitlausum bæ (já ég veit!), þá fundum við loksins út að við vorum í Hollywood, en ekki Miami (vitlaust kort sko!). Okkur var vísað leiðina og við komumst á hótelið okkar... sem var FULLT! Okkur vísað á annað hótel rétt hjá, en vorum bara hæst ánægðar þegar við sáum það. Þetta var MIKLU flottara hótel, og góð þjónusta. Við sáttar.

Daginn eftir þá röltuðum við í góða veðrinu á verslunargötu rétt fyrir ofan South Beach. Allt hrikalega dýrt auðvitað, en Rakel lét það ekkert á sig fá og hreinlega tæmdi búðirnar. Ætluðum að liggja á ströndinni svo, en höfðum varla tíma svo við létum það nægja að keyra Ocean drive (strandarvegurinn á South Beach). Sáum alla þessar glæsikerrur og læti.

Eftir það þá drifum við okkur á hótelið og gera okkur reddý fyrir tónleikana. Þeir voru haldnir í American Airlines húsinu og við ætluðum barasta ekkert að fá stæði fyrst. Keyðrum í trilljón hringi og þolinmæði okkar var að á enda. Vorum þarna tvær uppstrílaðar litlar stelpur að missa af Justin í stresskasti, en þegar við fundum loksins stæði ÞÁ fannst okkur þetta ógeðslega fyndið!

Við hlupum þarna inn á risa hælum (ekki auðvelt) og fengum okkar sæti. Misstum reyndar af fyrstu tveim lögunum, en það er alltílæ. Tónleikarnir voru í einu orði sagt GEÐVEIKIR! Svakalegt ljósashow og svo kom Timberland og dj-aðist og risa gegnsær skjár allt í kringum hann. Hrikalegt fjör. Eitt sem við grátum yfir núna, er að hafa ekki tekið myndavélarnar okkar með:( Það stóð á miðanum okkar að engar myndavélar væru leyfðar, og við tókum ekki sjensinn að þær væru bara teknar af okkur, enda kaninn klikkaður. Svo þegar við mættum þarna, þá var hver einasta sála með vél!! SMÁ svekktar!

Svo hef ég bara verið í skólanum þessa viku, en við Rakel erum búnar að þræða mollin alveg og kíktum á djammið í gær með Gumma og Lindsey. En núna er ég komin í Spring Brake, og við ætlum að fara eitthvert skemmtó.

Bið að heilsa, bæbæ

2007-02-22T22:15:00.000Z

*Myndir fra helginni komnar*

Loksin komin með BÍL :D

... about time!!!!!

Nú er ég bara að bííííða eftir Rakel skömminni, hún á að lenda eftir nokkra klukkutíma stelpuskjátan og mig hlakkar svo til! Förum strax í fyrramáli eftir tíma hjá mér, til Miami. Justin vinur okkar bíður spenntur eftir að hitta okkur á laugardaginn;)

Vonum bara að við komum heilar heim, þetta er ekkert ALLTOF örugg borg. En núna veit ég alveg hvar aðal svæðið er á South Beach, allar glæsikerrurnar, celebin og fíneríið;) Við þangað!!

Um daginn var verið að heiðra Hilmar og Kristínu .... veit enginn hvað ég er að tala um HEHE

En þau semsagt eru íslensk hjón sem búa hér og gáfu okkur Fannari skólastyrk :D Þau hafa gert mikið af góðverkum og hjálpað hér í bænum, svo það var verið að vígja múrstein með nafninu þeirra grafið í hér fyrir utan skólann. Við áttum að vera viðstödd og svo var tekið mynd af okkur fjórum og birt í Democrat (dagblað). Ég er orðin alveg ofsalega fræg hér, því þetta er þriðja skiptið sem það kemur mynd af mérí þessu blessaða blaði. Spá í að fara að ganga með eiginhandaráritunar-hefti og penna!

Úr ruglinu og yfir í .......vitleysuna=stærðfræðina....

-BÆ-

2007-02-16T04:25:00.000Z

Jæja þá er Valentínusardagurinn kominn og farinn. Ég var svo heppin að vera í kvöld-tíma milli 19 og 21:45, en þegar ég kom heim þá beið mín allskonar óvænt:)

Á morgun ætlum við að keyra endilanga Flórída (segir maður ekki svona?) og munum enda í Palm Beach hjá fjölskyldu Fannars. Afi hans og Amma eru líka í heimsókn hjá Eyjó (pabba Fannars) svo það verður bara lítið ættarmót:P Við förum svo á Miami South Beach a laugardaginn að skoða bíl sem við erum að spá í að kaupa. Ef allt gengur upp þá keyrum við heim á okkar eigin bíl :D Mikið hlakkar mig til!

Annars ætla ég bara að hafa þetta stutt og laggott, setti inn nokkur myndaalbúm. M.A frá ráðstefnunni seinustu helgi sem var BTW GEGGJUÐ! Hittum endalaust af liði og höldum sambandið við marga. Það er td. reunion í Orlando í byrjun mars og farið verður á djammið og Disney World og fl.

-bæbæ-

2007-02-09T08:41:00.000Z

"Don't you WANT my BAAAABYYY... don't you want me ooh"

Þessi auglýsing er svo fyndin... gengur alveg frá manni...
Nokkrar súkkulaðismákökur í blæjubíl að syngja lagið... þið verðið að skoða þetta:
http://www.splendad.com/ads/show/439-Chips-Ahoy-Convertible

Sjeise!!

Annars er ekkert að fretta svosum. Skelltum okkur í bíó um daginn og fórum svo að versla í Walmart um miðja nótt. Keyptum lampa og gerviblóm og fl til að gera íbúðina kósy. Myndin talar sínu máli.

En eftir smá stund, sáum við að það var búið að brjótast inn til okkar. Hérna er sökudólgurinn.

Þar sem það er löglegt að drepa í sjálfsvörn, sérstaklega þegar einhver kemur inn og ógnar manni, þá tókum við upp pöddueitrið og drápum við hana með köldu blóði.

Ég er farin að sofa... Camp Ocala á morgun... leiðtogaráðstefna... vúhúú

2007-01-30T05:37:00.000Z

Sérð það BARA í Bandaríkjunum...

... að fólk mætir í fjallgönguskóm í ræktina... já og gallabuxum!!

... að ég sé stoppuð á hverjum degi og fæ hrós fyrir eyrnalokka, peysu, hálsmen, name it... (fólk ekki alveg að kunna að klæða sig hér).

... að það sé ÓLÖGLEGT að hafa græjurnar í bílnum sínum hátt stilltar, há sekt takk fyrir.
... sumir kanar eru með buxurnar upp undir brjóst! Aðalega stelpur í leggings buxum... NOOO

... svakalega feitt fólk þarf ekki að labba um matvörubúðir, heldur er serhannaður rafmagns-stóll með kerru aftaná sem flytur þau um!

... fólk veit ekkert hvað netbanki er, heldur fær launin sín í ávísun...halló: 2007!

... útum allt eru skilti sem á stendur: “LARGE pizza....”, “buy 3 subs for...”, “All you can eat for....” sjeise mig langaði bara í salat...

... nemendur þurfa að skrifa undir samning, sem segir að þau skilja allt sem stendur í námsáætluninni...

... nýlega komin reglugerð sem segir að allir nemendur þurfa að skrifa lágmark X ritgerðir í háskóla... ástæðan er sú að skrifkunnátta nemenda var ekki uppá marga fiska...
... geturu farið út að borða og þjóninn talar litla sem enga ensku... Mexicani....

... geturu pantað þér McDonalds HEIMSENDINGU... vá sko, þetta er orðið svona slæmt...

... var nemandi BARINN af campus-police (skólalöggur) fyrir að hafa ekki student ID-ið á sér þegar hann labbaði ÚT úr skólanum!

... eru námsbækurnar myndskreyttar til að gera þær meira spennandi og auðskiljanlegri...
... þegar ég ligg á sundlaugabakkanum í sólbaði í 20gráðum, labbar framhjá manni gaur í dúnúlpu með ennisband...

... sérðu merkingar eins og “caution: do NOT swallow” á uppþvottalögur brúsa... dööhhh

... í lok ALLRA lyfja-sjónvarpsauglysinga er talið upp allar mögulegu aukaverkanir... já virkar voðalega aðlaðandi!

Sad but true...

En yfir í annað... Carolina er rosalega fín stelpa. Við erum saman í gjörsamlega óskiljanlegum líffræðitíma (reyndar stærðfærði lika) og hjálpumst að eins og við getum. Erum duglegar að gera okkur leið til kennarans í leit að útskýringum, honum til mikillar mæðu. Tvær litlar útlenskar stelpur að biðja hann um að endurtaka það sem hann sagði í tímanum er örugglega ekkert það skemmtilegasta í heimi. Við erum líka svoldið hræddar við hann, þennan stóra svarta mann, sem er með svörtustu rödd í heimi og lítur úr eins og skólastjórinn í Boston High þáttunum. En þetta hlýtur að hafast. Enda erum við báðar á "Dean's List", sem er listi yfir nemendur með yfir ákveðna háa meðaleinkunn... dúlegar deppur já!:D

A laugardaginn skellti ég mér svo með ISO krökkunum í Kokteil-boð hjá Betty. Allir voða fínir og æðislegur matur! Eftir það þá var eftirparty hjá Randy (kærasta stelpu sem ég þekki) og þá var dregið upp áfengið og fólk dansandi eins og vitleysingar. Ég setti inn myndir frá kvöldinu hér til hægri.

Sólin loksins komin aftur til okkar, hefur ekki látið sja sig lengi...
Kveðja, Magga

En æj bara því eg var byrjuð, þá verð ég að syna ykkur fleiri dæmi af "möst" merkingum svona í lokin:

On Sears hairdryer:
Do not use while sleeping.
(Gee, it's the only time I have to work on my hair!)

On a bag of Fritos:
You could be a winner! No purchase necessary. Details inside.
(The shoplifter special!)

On a bar of Dial soap:
Directions: Use like regular soap.
(And that would be how?)

On some Swan frozen dinners:
Serving suggestion: Defrost.
(But it's *just* a suggestion!)

On a hotel provided shower cap in a box:
Fits one head.

On Tesco's Tiramisu dessert:
(printed on bottom of the box)
Do not turn upside down.
(Too late! You lose!)

On Marks & Spencer Bread Pudding:
Product will be hot after heating.
(Are you sure??? Let's experiment.)

On packaging for a Rowenta iron:
Do not iron clothes on body.
(But wouldn't that save more time?) (Whose body?)

On Boot's Children's cough medicine:
Do not drive car or operate machinery.
(We could do a lot to reduce the rate of construction accidents if we just kept those 5 year olds off those fork lifts.)

On Nytol sleep aid:
Warning: may cause drowsiness.
(One would hope!)

On a Korean kitchen knife:
Warning keep out of children.
(Or pets! What's for dinner?)

On a string of Chinese-made Christmas lights:
For indoor or outdoor use only.
(As opposed to use in Outer space.)
(Or underground)

On a Japanese food processor:
Not to be used for the other use.
(Now I'm curious.)

On Sainsbury's peanuts:
Warning: contains nuts.

On an American Airlines packet of nuts:
Instructions: open packet, eat nuts.

On a Swedish chainsaw:
Do not attempt to stop chain with your hands or genitals.
(What the….?)

On a child's superman costume:
Wearing of this garment does not enable you to fly. (That's right, destroy a universal childhood fantasy!)

2007-01-16T06:32:00.000Z

Hafi þið einhverntíman spáð í því hvernig væri að liggja á South Beach Miami í glampandi sól og blíðu með kokteil í einni og sólarvörn í hinni??
Nei? ... ekki ég heldur.
En ég mun heldur betur upplifa það í næsta mánuði þegar Rakel Arna skvís kemur að heimsækja mig :D Jább við ætlum að taka eitt stykki road-trip niður til Miami og síðast en ekki síst, fara á Justin Timberlake tónleika þar! Já þið heyrðuð rétt, og nei ég er ekkert geðveikt fan, en hann er víst geðveikur á tónleikum! Hlakka SVOOO til :D

En þetta er bara eitt af því sem er komið á “to do” listann okkar, því við förum einnig á Spring Brake, en eigum reyndar eftir að ákveða HVERT við förum. Í Cancun voru þessar að kynna í fyrra, og verða aftur í ár... myndin er síðan í fyrra....

Jimmi Fallon var einnig á hátíðinni... Halla þú kemur bara næst;)

En yfir í annað. Skólinn er byrjaður á fullu og allt komið í sinn vanagang. Fórum um helgina til Gumma og Linseyar að spila póker ásamt David vin Gumma. LOKSINS kann ég að reglurnar svo við stelpurnar getum haldið áfram með pókerkvöldin okkar sem við störtuðum í denn.... ef einhver nennir í sumar :P

Annars vorum við að skoða flugmiða heim í sumar, og stykkið er á næstum 3000 dollara! Svo ef þetta fer ekkert minnkandi þá verðum við hér í sumarskóla, en kæmum þá heim í endann júlí og tækjum seint "sumarfrí" og jólafrí saman. En það kemur bara allt í ljós.

Svo var ég að eignast aðra vinkonu:P Hún heitir Carolina og er pólsk. Eftir fyrsta timann í líffræði þá situr hún fyrir mér og greip mig glóðvolga fyrir utan dyrnar á stofunni og fer að spjalla við mig og sagði mér að við værum líka saman í stærðfræði. Ég bara "jahá" :P

Ekki nóg með það, þá biður hún um símanúmerið mitt líka!! Ég var farin að skima eftir útgönguleiðum, byggingum í kring sem ég gæti hlaupið bakvið og falið mig fyrir henni...

En eftir að ég neyddist til að tala við hana í korter þá komst ég að því að þetta er bara mjög fin stelpa og við eigum örugglega eftir að ná ágætlega saman... ja aldrei að dæma fólk of fljótt:P

Jæja, ég er farin að lúlla... bæbæ

2007-01-09T05:01:00.000Z

Við erum komin aftur til Flórida. Við komum í seinna lagi uppá flugvöll, svo þau settu okkur á Saga Class. Hvað sem það nú var. En við sátum þar og átum okkar steik og drukkum endalaust vín með svo við vorum sátt;)

Helgin fór í að versla inn og gera klárt fyrir skólann. Kíktum aðeins á Lindsey í mollinu sem var að kynna eitthvað fyrir fyrirtækið sem hún vinnur hjá. Síðan skelltum við okkur á Pockets í pool. Daginn eftir var bara sofið út og svo út að borða með Mike og öllum strákunum.

Skólinn byrjaði í gær og ég er bara mjög sátt með töfluna mína fyrir utan að þurfa að taka enskuna í kvöldskóla, á miðvikudögum frá 19-21:45 ! :(
Svo keypti ég mér "sjöára" skólabækur. Fiðrildi, kærleiksbirnir og bleikt. Í stíl varð ég svo að hafa 100 glimmerpenna. Já það verður aldeilis enginn háskólafílingur í minni ó nei!
Ég þarf að taka hræðilegasta bekk í heimi: Speech class! Já ég er SKÍTHRÆDD við að standa fyrir framan allan bekkinn og tala. Sem betur fer erum við þrír útlendingar saman í þessum tíma, Fannar, ég og svo Kristi. Fannar talar eins og innfæddur, en við Kristi munum skyggja á skömmina hjá hvorri annari. Já eða fá alltaf að vera tvær saman, skiptast á að tala og enginn skilur okkur:D

En yfir í annað. Ég sá svolítið sem ég veit ekki hvort sé það hryllilegasta sem ég hef séð eða það svalasta. Það var nú þannig að ég varð vitni af einhverju gangandi sem var í svörtum svona rokkarafötum með sítt hár í tígói (fyrir ofan eyrun takk fyrir) og gekk eins og sláni sem er að drepast út töffarastælum. Þegar ég keyrði svo framhjá, þá sá ég þetta GRÁA hár og HRUKKÓTT andlit... þetta var þá ELD gömul kona labbandi þarna í góða veðrinu!
Svei mér þá þetta hef ég aldrei séð áður!

Jamm og já.... það er ótrúlegt hvað maður verður vitni af.

Jólafríið á Íslandi var ALLTOF STUTT. Hefði alveg viljað stoppa lengur. En það var samt æðislegt að koma heim og hitta alla.

Kveðja úr sólinni:) Bæjj...

2006-12-18T17:17:00.000Z

-HOME SWEET HOME-

2006-12-10T11:20:00.000Z

6 DAGAR Í HEIMKOMU!! :):)

Já það er aldeilis að styttast í Íslandsför. Okkur er farið að hlakka alveg rosalega mikið til að hitta alla:) Við leggjum reyndar af stað eftir 5 daga, eða næsta föstudag á okkar tíma.... langt ferðalag framundan:P

Prófin eru að "byrja" á þriðjudaginn og alveg þar til við förum heim. Erum samt búin i enskuprófinu og ég fékk B:) Rosa sátt með það þar sem ég náði ekki toefl.. daddaraaaa
En ég hef allavegana sannað að það var rétt hjá þeim að taka mig inn þótt mig vantaði lágmarkskröfur híhí

Það er orðið það kalt hér á Flórida að maður situr inni í LOPAPEYSU í LOPASOKKUM með hitarann í gangi takk fyrir!!! Afhverju varaði enginn mig við?? Ég mætti hingað bara með sumarföt og sólgleraugun góðu. Þarf að tína saman hlý föt þegar ég kem heim og taka með.

Í gær bauð Betty, instrutorinn okkar, okkur í jóla-hitting heim til sín. Allir komu með einhverjar veitingar með sér og svo jólapakka. Við vorum um ca. 35 þarna og höfðum voða gaman:) Ég fékk svona stóra kúlu með snjó inní.... æ þið vitið hvað ég meina, rosa sætt:) Fannar fékk "The Mask" myndina. Svo eftir það, fórum við í eftirpartý þar sem drukkið var og dansað. Mest var af Asíubúum, og mér vægast sagt BRÁ að sjá þau drekka þarna og BREIKA eins og vitleysingar! Ég er svo vön að sjá Asíubúana uppá Grand bara sem eru svo hógvær og kurteis og fara að sofa kl.8 ....
En gaman að þessu....

Ég setti inn myndirnar frá gærkvöldi, eru samt mjög fáar....
Bæjó

2006-11-30T10:12:00.000Z

Mín að nördast eins og vanalega...

Það er ekki leiðum að líkjast...

jii right!

2006-11-24T04:34:00.000Z

Mánuður til jóla!!

Við erum svoleiðis búin að vera að drukkna úr verkefnaskilum, ritgerðum og prófum seinustu daga og verðum það eitthvað áfram þar til lokaprófin byrja. Við erum þó í 4 daga helgi, því Thanksgiving var í dag og svo er “black Friday” á morgun. Mike og Fannar elduðu lambalæri í Thanksgiving mat, og svo gerði Mike pumkin pie og cherry pie í eftirrétt. Þeir eru snilldarkokkar og þetta var mjög gott hjá þeim:) Á morgun kemur svo uppáhaldið mitt: VERSLA!!:) Á black Friday er ALLT á geðveikri útsölu og búðir opna kl.6 í fyrramálið!! Mike sagði að fólk er mætt alveg mun fyrr og bíður í röðum. Ég er samt búin að kaupa flestar jólagjafir og svona svo ég ætlaði bara að kíkja og ath hvort ég finni MÉR ekki eitthvað flott. Planið er að mæta 6 og vonandi næ ég að vakna:) Ef ég þekki mig rétt þá verð ég trítilóð þarna, hleyp milli búða alveg með hjartað á fullu og skoða ALLT! Ætli ég læt Fannar ekki hafa flautu og við splittum svona eins og í Friends þegar Monica var að kaupa sér brúðarkjól hehehe

En ég skal sko segja ykkur hvað ég átti vægast sagt HRÆÐILEGAN mánudag og þriðjudag!!

Mánudagurinn byrjaði með ferð uppí Cingular (símafyrirtæki) og miklu kvarti í fólkinu þar því við erum rukkuð helmingi meira en við eigum að borga. Eftir það þá fer ég í mollið og á leiðinni heim þá er KLESST aftaná mig!! Á bíl sem ég var með í láni í þokkabót!! Greyið Lindsey treystir mér fyrir bílnum og ég skila honum klesstum:( Ég veit að það var ekkert mér að kenna, en ég er samt með stórt samviskubit. Jæja ég kem mér heim (ein og í sjokki) og sest fyrir framan sjónvarpið með kvöldmatinn minn og á sömu sekúntu og ég sest niður þá fer RAFMAGNIÐ AF! Við erum að tala um að það var allt svart! Ég teygi mig á borðið þar sem við geymum alltaf risa kveikjara, en nei, í þetta eina skipti þá var hann ekki á sínum stað. Úti heyrði ég í nágrönnunum tala um að þetta væri um alla borgina. Ég sat svo bara ein í myrkrinu og reyndi að hitta matnum upp í mig.

Næsti dagur kom með mikilli tilhlökkun, bæði því dagurinn á undan væri liðinn, og líka því ég ætlaði í litun og klippingu. Ég fer og segist vilja ljósar og dökkar strípur og konan bendir mér að koma í stólinn. Skellir á mig HETTU og ég bara NEI!! Ég sagði henni að ég vildi fá álstrípur en hún bara” honey, trust me, I’ve been doing this for 7 years”. Ég var hundfúl og ákvað að sjá hvað kellar ætlaði að gera. Byrjar kerlingartuðran ekki að plokka með MIKLUM látum lokkana í gegnum hettuna og greiða svo með einhverjum stálbursta. Hún byrjaði að greiða EFST og þrýsti þar af leiðandi flækjunni á undan sér þar til hún festist gjörsamlega. Ég ýtti mér frá kellingunni, tók burstann af henni og greiddi mér sjálf! Svo spyr ég hana hvort hún sé alveg að skilja mig, að ég vildi “highlights with two colors”. Hún sagði að þetta væri eina leiðin til að gera það og þá byrjaði fjörið. Óþolinmóð benti henni á stelpu sem sat fyrir aftan mig sem var með álpappír í hausnum en hún sagði að það væri bara fyrir heillitun!! Ég var ekkert smá pirruð og sagði að hún ætti að kunna að gera tvo liti til skiptis í álpappírnum. Þá REIF hún hettuna af mér, fór bakvið og sagðist bara ætla að gera það þá (án þess að kunna það sko) og ég þyrfti bara að taka afleiðingunum því hún sagðist vera viss um að þetta væri ekki hægt!! Mín var orðin SVOLDIÐ pirruð þarna, ýtti henni frá mér og sagðist ætla að fara í mollið þar sem konurnar KYNNU að lita hár! Þá fer hún bara að tuða um að ég viti ekkert hvað ég vilji og bla bla bla.... Fannar var akkurat kominn inn og ég labbaði út með tárin í augunum, með þessa þvílíku verki í hárrótinni eftir meðferðina.
Ég fór í mollið og fékk þessa æðislegu þjónustu þar, meðan Fannar var svo reiður að hann fór til baka og talaði við yfirmanninn og gerði þau skíthrædd. Þau hafa sennilega haldið að við ætluðum að kæra eins og týpískir kanar myndu gera.
En viljiði spá samt í þessu!! Fólkið hérna er svo misjafnt að það er alveg ótrúlegt!!

Núna eru bara 22 dagar þar til ég kem heim og ég get varla beðið:) Familían mín, mínus Einar, eru í Köben núna eitthvað að spóka sig. Ég hefði alveg verið til í að fara með.
Stelpur ef þið heyrið af Sálarballi þá endilega látið mig vita! Eða bara einhverjum atburðum, mig langar að kíkja með ykkur á djammið sem oftast meðan ég er heima:)

Ég sakna allra bara svo mikið!

Hér eru nokkur andlit sem ég sakna ofur sárt.... :P

En að sjálfsögðu sakna ég ALLRA! (Bara fann ekki nógu asnalegar myndir:D)

Svo eru þessar ALLTOF skyldar til að hittast svona sjaldan:)

Síðast en ekki síst hlakkar mig til að sjá Óskar, litla kútinn hennar Önnu!:) Gat ekki sett mynd af honum inná (veit ekki afhverju) en hann er ponsu-lítil dúlla og algert rassgatíbala!:)

Ég ætla að fara að "leggja mig" svo ég vakni örugglega til að hefja verslunarbrjálæðið eldsnemma í fyrramálið.

*Take care*

PS. Þessir tveir eiga hug minn allan (fyrir utan Fannar auðvitað). Ég sakna þeirra MEST og tel niður dagana þar til ég hitti þá á ný!!! (er þetta nóg strákar??)

2006-11-10T19:04:00.000Z

Um daginn fór ég með ISO til Florida State Park og löbbuðum í gegnum Mariana Caverns. Þetta eru eldgamlir hellar og inní þeim er alltaf sama hitastig. Áferðin á öllu inni er eins og að koma við svona frosting á kökum, eða bara blautann sykur! Mjög skritið...
Ég varð nú samt svoldið hrædd þarna stundum þegar við fórum í þrönga stíga, hugsaði allan tíman um myndina "The Desent" og fékk hroll bara, hélt í hettuna á Syedu allan tímann hehe
En þetta var alveg rosalega gaman að sjá og guidinn okkar sagði okkur skemmtilegar sögur af hlutum sem komið hefðu fyrir þarna, einnig að fólk GIFTIR sig ofan í hellinum! Það er steinn mótaður eins og altari og mjög flott... en það er mjög þrönt og mikill raki þarna ofaní!

En yfir í annað, ég fæ flóðið af e-mailum frá feministafélaginu, lottó-einhverju og hinu og þessu í hverri viku....

... nú ástæðan fyrir þessu öllusaman er sú að fyrr í haust þá tóku tveir ungir strákar sig saman, sem ég vann eitt sinn með uppá Grand hóteli, nefni engin nöfn, og skráðu mig í ALLA mögulegu póstlista sem þeir fundu!! *(hint: Haukur og Þór Steinar!)*

Ég fæ boð um fundi í hverri viku rétt eins og ég sé meðlimur....
........FEMINISTAFÉLAGIÐ takk fyrir !!! hahaha nei takk félagi....

Vissu þið að Ísland er "least corrupt contry in the world" ? ... við Fannar lærðum um það í Political science..... kennarinn sagði að þetta kemur frá löndunum sjálfum, og greinilegt að Íslendingar séu ekkert að gefa neitt upp, þótt að allir hér úti vita um baugsmálið góða...

Æ ég hef EKKERT að segja frá... reyni betur næst!

Myndirnar frá Mariana Caverns eru komnar inn...

*Ciao*

2006-11-01T07:17:00.001Z

Loksins eitthvað lífsmark hér...

Nú eru miðannarprófin búin og okkur gekk bara mjög vel. Erum búin að fá úr “Reading” og “Math” og fengum bæði A ... vúhúú:)
Einnig fór ég og skipulagði námið mitt með námsráðgjafanum og ég á bara tvær annir eftir til viðbótar í þessum skóla! Fékk svo mikið metið úr FG að ég útskrifast með næstum helmingi fleiri einingar en ég þar... nokkuð gott sko!

Instructorinn okkar boðaði okkur á fund í gær. Hún sagði okkur að skólinn væri að velja 12 nemendur, 6 ameríska og 6 international nemendur til að bjóða á ráðstefnu sem verður í febrúar. Flórida fylki er að kosta tólf nemendur úr hverjum háskóla hérna til að sitja "Leadership Conference". Þetta er ráðstefna/námskeið sem á að einblína á leiðtogahæfileika og framsækni í starfi.
Hún bauð okkur að vera hluti af þessum hóp sem færi frá TCC og er það mikill heiður fyrir okkur :)

Anyways, við erum búin að hafa það bara mjög gott seinustu daga. Okkur, ásamt Gumma og Lindsey vorum boðið í kvöldmat heim til Hilmars og konunnar hans. Hilmar er consulate general fyrir hönd Íslands hérna í Tallahassee og hjálpaði mér mikið við að komst inni skólann. Þau hjónin eru yndisleg og buðu okkur í rosalega flottan mat og vín. Húsið þeirra er risa stórt og flott, og allt inni voða fágað. Þau hafa sko aldeilis tekið okkur að sér og það er eins og að eiga ömmu og afa hérna.

Mike átti svo 21 árs afmæli um daginn. Við fórum öll út að borða... með "öll" þá meina ég ég ásamt trilljón strákum, við fórum á steikhús og pöntuðum okkur nautalundir og karföflumús.
Ég fékk líka þennan drykk sem var algert NAMM!
(Áfengi Halla, ekki súkkulaði) híhíhíhí

Fyrir stuttu fór ég svo með Seydu og Kue, krökkum úr ISO á Alladdin, einhvert furðulegasta “kaffihús” sem ég hef séð. Við löbbuðum inn og settumst í eitt hornið þarna. Þetta var eins og að vera komin inní eitthvað musteri úr Alladdin teiknimyndinni. Bekkirnir voru aðeins 10 cm. Frá gólfi og skreyttir púðar útum allt, líka á gólfinu. Þegar þjónninn kom, þá pöntuðu þau sér pípu og....... ég bara ha???? ... hélt sko að ég væri komin í eitthvað dópistabæli bara....
En svo kemur þjónninn (klæddur í Alladdin föt) með risa stóra bleika pípu og setur hana á gólfið hjá okkur og réttir öllum sitthvorn stútinn sem hver notar fyrir sig.
Þetta hljómar ekki neitt vel... en i rauninni er þetta soðið jurtate sem maður sýgur að sér... á að vera voða heilsusamlegt. Ég viðurkenni að mér var svoldið létt, var næstum því farin að halda að nýju vinirnir væru í einhverju rugli og vitleystu bara hehe
Eftir kaffihúsið þá fórum við í pool. Þau sögðu mér að þau væru múslimar og drykkju ekki svo þar missti ég vonina um djammfélaga:)
Ég fékk að heyra margar sögur um þau, og hversu öðruvísi menning þeirra er. Ástæðan fyrir því að Syeda kom til USA fyrir ári, er að foreldrar hennar völdu bandarískann mann handa henni og þau giftust. Þau eru reyndar ný skilin, en núna má hún deita og velja sér sjálf maka. Kue var í samandi í meira en ár, en þau þurftu að halda því leyndu útaf fjölskyldum sínum.
Þau eru bæði algjör æði:)

En yfir í annað, Halloween var í kvöld og við fórum yfir til Gumma og Lindseyar. David var þar líka og krakkarnir spiluðu póker meðan ég fylgdist með. Annað slagið var bankað og fyrir utan stóðu krakkar í allskonar búningum ... “trick or treat” ... algerar dúllur:)
Það er svoldið skondið hvða þetta er stór hátíð hérna úti. Meira að segja stærðfræðikennarinn minn hefur mætt seinustu daga í fötum skreytt halloween myndum með graskera eyrnalokka. Í seinasta tíma þá kom hún meira að segja með grasker-körfu fulla af nammi og gaf okkur:)
Æ hún er æðisleg.

Hér er Lindsey skvís fyrir utan íbúðina þeirra:)

Þessi grasker eru fyrir utan íbúðina á móti okkur, krúttlegt:)Ath: Nýjar myndir í albúmi.

Halloween-kveðja
*Maggalaggalá*

2006-10-13T06:23:00.000Z

How ya’ll ??

Jebb, svona heilsar stærðfræðikennarinn minn, Mrs. Dameron á hverjum morgni með sínum einstaka Alabama-hreim....

Já það er nú aldeilis ekki leiðinlegt að vera í góðu verðri ALLA daga. Hitinn fer lækkandi smám saman og mun halda sig í um 20 stiga hita myndi ég halda... þó ég sé enginn veðurfræðingur...

Ég mæli EKKI með því að heita VILHJALMSDOTTIR. Það er ekkert gaman sko. Ég þarf að segja nafnið mitt þrjátíuogsjösinnum svo að fólk skilji það (þó það nái því ALDREI, það bara gefst upp á að reyna). Allir kennararnir mínir létu mig segja upphátt eftirnafnið mitt marga daga í röð fyrstu vikurnar. Þeir gátu einfaldlega ekki lesið mig upp!! Mér hefur nokkrusinnum verið bent á að ég hafi 15 stafa eftirnafn!

WELL I KNOOOOW!!! (lesið með Monicu rödd).

Ég hef búið mér til “last-nicname”... það er WILLIAMS-DAUGHTER... Jább! Ég segist heita þetta ef einhver spyr mig núna. Fannar er líka löngu búinn að gefast upp. Eyjólfsson er ekkert sniðugt heldur. Þegar við pöntum leigubíl, pizzu eða eitthvað þá heitir hann yfirleitt “Chris” eða “Bob”.... (go BOB!)

Um seinustu helgi kíktum við í bíó að sjá myndina “Emploee of the month”. Hún var alveg ágætis afþreying myndi ég segja.
Eftir bíóið rötluðum við yfir á “Pockets” sem er svona pool staður/bar. Gummi og Lindsey biðu þar eftir okkur. Á leiðinni opnuðum við sitthvorn bjórinn og sötruðum í rólegheitunum þegar lögreglubíll kemur að okkur og spyr hvort það sé ekki allt í góðu. Við settum bara upp sólheimabrosið og kinkuðum kolli (búin að fela áfengið að sjálfsögðu; STRANGLEGA bannað að hafa opið áfengi á almannafæri hérna).

Þegar við vorum komin aðeins lengra þá sjáum við 3 löggubíla og löggurnar voru að reka 30 krakkaorma í burtu frá mollinu fyrir að vera með læti. Þá kemur þessi sama lögga til okkar og segir okkur að fara inní bíl!!! Aftur gerði ég tilraun til að fela bjórinn minn, og við settumst inní bílinn ... ekki alveg að skilja aðstæður! Þá sagði hann okkur að það væri ekkert öruggt að vera gangandi þarna um svona seint um kvöld útaf vandræðaunglingum.

Þarna sat ég afturí í LÖGREGLUBÍL með opinn BJÓR;)
Ég gerði mér grein fyrir aðstæðum og gat varla haldið hlátrinum niðri:) HíHíHíHíHí
Litli krimminn :)

Æ ég er þreytt... kveð með hópmynd af öllum útlendingunum sem fóru í ferðina til Itchetuchnee (við erum þarna einhverstaðar hægramegin fyrir miðju)... bæbæ

2006-10-03T04:23:00.000Z

Það hafa allir tekið eftir því hvað allt er RISA stórt í Ameríkunni. Ég bið alltaf um lítið kók, lítið hitt og lítið þetta, næ samt aldrei að klára.
Við Fannar fórum í bíó í gær á myndina "School for scoundrels". Fannar skakklappaðist til að biðja um miðstærð af poppi og jiminn eini afgreiðslukonan hefði betur afhent okkur þetta í gámi. Þetta var trilljón sinnum stærra en þessi ofurvaxni bréfboki í Smárabíóum. Ekki einusinni láta mig byrja á kók "glasinu" sem fylgdi...

Áðan fórum við í Sam's Club (verslun með ALLT) að versla inn, og þar sem HALLOWEEN nálgast óðfluga þá ákváðum við að byrgja okkur upp að sælgæti til þess að hafa krakkakvikindin góð og verjast eggjaklessum. Meðflygjandi er "minnsti" pokinn sem ég fann af blönduðu sælgæti....

Annars er allt frábært að frétta af okkur. Við erum á fullu í ræktinni og að læra. Eg er búin að taka nokkur próf núna og hef ekki enn farið undir 7... undur og stórmerki hér á ferð :D
Ég tek á móti heillaóskum í síma 850-4591392

En já talandi um, þá erum við komin með heimasíma sem er mun ódýrara að hringja í, hann er: 850-5762309. Endilega hringiði þarna leiðindarpúkarnir ykkar...

Annað mál á dagskrá er ferðin sem við fórum í með ISO (International Student Organization). Hittumst öll fyrir framan skóla gymmið og þar var raðar í rútur. Við erum náttúrulega svo mikil VIP ég og Fannar að okkur var boðið far á einkabíl með tveim stelpum, Michelle og Kristi. Á leiðinni setti ég upp sleikju-lúkkið og reyndi að næla mér í vinkonur... það tóks mjög vel;) Michelle er reyndar í FSU (skólinn sem ég fer í eftir þennan) en Kristi er í mínum skóla. Hún er 24 ára og útlendingur eins og ég. Þegar við vorum komin til Ichetucknee Springs þá völdu allir sér eitthvað til að fljóta á. Ég var á litlum hring. Við hentumst í ánna eftir myndatökur þar sem ég var ein á einni og verð sett í skólablaðið... bara fræg sko... en já við flutum niður ánna í klukkutíma eða svo, með tilheyrandi skvettum og látum, voða vinsælt meðal töffara-svertingja hóps að hvolfa ollum... ég slapp.
Við sáum stórar, svartar skjaldbökur sitjandi á bökkunum rosa sætar. Þegar við komum uppúr segir Fannar sallarólegur, "ég vildi ekki hræða þig, en ég sá snák í vatninu". Ég hélt ég myndi gjörsamlega fríka út!!!! Vissi ekki hvort ég ætti að grenja eða öskra...
Við sáum svo skilti þar sem var verið að sýna dýralífið kringum ánna og viti menn, jú þarna voru snákar ofaní vatninu, einn harmlaus en annar "sjaldséður" (my ass) sem var virkilega hættulegur! Ég skildi ekki afhverju fólk sendir annað fólk ofaní vatn fullt af snákum!?!?

Hérna er ég með Michelle og Kristi...

Love

2006-09-22T07:37:00.000Z

Ég er búin að vera að skemmta mér endalaust seinustu vikurnar að það er ekkert lítið! En núna eru allar heimsóknir búnar í bili og við bara ein og yfirgefin í kotinu. Vorum að kaupa okkur flugmiða heim um jólin!!:) ... þurfum reyndar að ákveða hvor okkar fær hann...

ohh ég er svo fyndin:P

Við lendum semsagt þann 17.des og förum til baka 6.janúar :D Hlakka endalaust til;)

Biðin er á enda gott fólk.

Nú getið þið loksins farið að anda léttar og tekið því rólega, því ég er búin að setja inn nýjar myndir!!!!.........

....var þetta að takast eða??

En jæja, enjoy :***

2006-09-13T20:12:00.000Z

Skólinn er byrjaður á fullu og slatti að gera. Mér list betur á þetta með hverjum deginum og loksins er maður að gera eitthvað af viti. Ég fékk semsagt 40 einingar metnar í skólann upp í AA-gráðuna (Associate in Arts) sem er 60 alls sem ég tek í TCC, svo ég á lítið eftir og útskrifast kannski í vor. Það verður eflaust skondið að fá kassalaga hatt og skikkju hehe... en svona er þetta.
Það er það með ekki sagt samt að ég sé bara búin... ónei, þetta er bara helmingur uppí B.A gráðu. Þá flyt ég mig yfir í FSU ( Florida State University) sem verður MIKIL tilbreyting þar sem þetta er HUGES skóli.

Við fengum heimsókn síðasta föstudag. Þórhalla, Viktor, Guðni, pabbi tvíbbana og litlu systkinin. A laugardeginum fórum við á amerískan fótboltaleik einmitt á leikvangi FSU. Þegar við löbbuðum um skólalóðina að leikvanginum sáum við sjoppur og allskonar hús með bræðra-og systrafélögum sem voru skreytt og partý í gangi. Semsagt svaka fjör alltaf á skólasvæðinu.

Leikurinn var æði..... vááá hvað þetta var skrítið og gaman að upplifa svona. Ég horfi ALDREI á íþróttir og veit ekki einusinni reglurnar í rugby, en þetta var bara snilld!!
Lúðrasveitarsýning frá sitthvorum skólanum í hléi, fimleikafólk, klappstírur, lukkudýr og fl...
Það voru um 80ÞÚSUND manns þarna! Stemmingin alveg ólýsanleg...

A sunnudeginum fórum við öll í eitthvað "Funland". Eiginlega bara tækjasalur/spilavíti með allskonar dóteríi. Við Alexandra litla fórum í rússíbanahermi og svo var bara farið í tæki. Eftir það bauð Eyjó, pabbi strákana okkur út að borða.

Við Þórhalla og Guðni tókum mollið svo í gegn á mánudeginum. Guðni átti metið í eyðslu:P Strákurinn var með STÚTFULLAR hendurnar af pokum og fær prik fyrir að vera eini strákurinn sem ég veit um sem lifir af svona verslunarferð:) *klapp klapp*

Annars eru þau að fara núna á föstudaginn til Orlando og við Fannar erum að spá í að fara með. Fannar "vann" víst eitthvað frá Disney, frítt í garðana fyrir okkur OG fría hótelgistinu í garðinum!!!!:) Ekki slæmt það;)

-Mag's-

Ps. Við létum pússa okkur saman á dögunum og læt ég fylgja hér með brúðkaupsmynd:)

2006-09-01T21:09:00.000Z

HÉR eru myndir af skólanum, íbúðinni og umhverfinu.

Hann pabbi labbi heimtaði myndir svo ég gerðist alger nörri og hljóp um skólalóðina með myndavélina á lofti. Þeyttist útum allt og tók myndir eins og vitleysingur.
Það pínu starað á mann... en hey hvað gerir maður ekki fyrir pabba sinn!:)
Enjoy

2006-08-31T19:34:00.000Z

Ooo the humidity!!!

Ég er ekki að grínast, það er bara hættulega heitt úti! Gæti trúað því að það væri ALLAVEGANA 40 stiga hiti takk fyrir. Ekki bætir það úr skák að það er svo mikill raki í loftinu að á hverjum degi lít ég út eins og Monica í Friends þegar þau fóru til Barbados!! Hárið á mér fjölfaldast við þetta svei mér þá...
Ég sat áðan og nældi mér í smá lit við sundlaugarbakkann og ég verð að lýsa ánægju minni yfir þessum stað. ALLT er betra en gamla íbúðin okkar. Allt mun snytrilegra, íbúðin stærri, sundlaugin mun flottari og meira að segja fólkið í kring spjallar við mann:) Allt voða vinalegt eitthvað...

Það er líka ÆÐI að labba í glampandi sól í skólann (tekur um 5 mín mest). Allir voða léttklæddir og með sólgleraugu... svoldið spes!

Kennararnir mínir eru mjög fínir. Sérstaklega einn sem kennir mér tíma sem heitir "Personality & Social Adjustment". Hann er frá Indlandi og reytir af sér brandarana hægri og vinstri;) Kallinn er með A.A. gráðu, B.A gráðu, M.A gráðu og loks TVÆR P.H.D gráður!! Samt kann hann ekki við að titla sig "doctor", segist ekki vera ekki baun gáfaður bara orðið að leggja hart að sér í að fá þessar gráður. Hann er nú meiri sko...
En ég kann mjög vel við tímana hans og hef lært aðeins um þetta í FG svo ég ætti nú að standa mig sæmilega.
Svo er ég í öðrum tíma sem heitir "Political Science" sem mér finnst vera gjörsamlega óskiljanlegur! Þar erum við með risa stóra bók sem fjallar um stjórnmál Bandaríkjanna. Hvernig í óskupunum á ég að getað skilið það? Democratar og allt þetta... ég veit hvað það er að vera vinstrisinnaður og hægrisinnaður PUNKTUR!
Á næstunni eigum við að fylgjast með kosningu um landið og einnig skólakosningunni og gera ritgerð!! Ég þarf heldur betur að bretta upp ermarnar þar...
Aðrir tímar sem ég tek eru "Math", English" og "Reading". Veiii..

En jæja Fannar er að vinna núna og ég þarf að læra áður en við kíkjum eitthvað út í kvöld.

Kveðja,
Maggalaggalá

*Pssst... var að enda við að henda inn trilljón myndum frá Þjóðhátíð*

2006-08-29T21:11:00.000Z

Það er loksins að maður nenni að skrifa eitthvað...

Dagin eftir að við komum tókum við "Placement test", sem gekk bara ágætlega... *hóst*ég fékk HÆRRA en Fannar í ensku!!*hóst*. Við erum semsagt núna búin að skrá okkur i viðeigandi bekki og allt orðið klárt:) Við erum meira að segja svo dugleg að við tökum einum tíma fleiri en okkur var sagt að taka:)
Í skólanum eru um 13.000 manns (minnir mig) og er þetta bara svona ekta ameríkst. Subway og fl skyndibitastaðir í skólanum, vopnaðir lögregluþjónar útum allt inni, líkamsræktarstöð og fleira tilheyrandi.
Einnig ætlum að vera með í félagi sem heitir "ISO" (International Student Organization). Þetta eru Tcc nemendur allstaðar að úr heiminum sem hittast og gera ýmislegt saman. Td. er einhverskonar river-rafting ferð á dagskrá á næstunni og verður þá keyrt eitthvað út fyrir bæinn. Við Fannar ætlum að troða okkur með að sjálfsögðu í þeirri von um að kynnast fleirum:)

Við fengum einnig skemmtilega heimsókn daginn eftir að við komum hingað. Stebbi, Ásta, Selma systir Stebba og Pétur kærasti hennar komu til okkar og gistu í 4 nætur. Við stelpurnar versluðum og versluðum og Ásta blessunin fyllti heila ferðatösku hehe... á meðan sátu strákarnir og voru gjörsamlega að rotna úr leiðindum.
En svona er þetta bara, rule #1: ALDREI að koma með stelpum í mollið! híhí;)
Annars gerðum við margt annað skemmtilegt. Við fórum í pool og drukkum bjór, hrúguðum okkur síðan eftir það í bíl hjá einhverjum sem strákarnir hittu þar og fórum öll í partý heima hjá David vin Gumma. Kíktum einnig í smá partý heima hjá Gumma og Lindsey eitt kvöldið og enduðum í bænum.
Sólböð voru samt ekki vinsæl nema kannski í 30 mín hjá mér og Ástu. Enda erum við þær einu sem hafa vott af lit! hehe

Ég setti svo inn nýjar myndir á síðuna fyrir þá sem hafa áhuga.

Myndir frá Conneticut og heimsókn krakkana.
Annars er ég hætt í bili
-Magga-

2006-08-20T15:14:00.000Z

Nýjar myndir... tvítugsafmælisveisla tvíbbana og túristadagur með Gumma og Lindsey:)

Ég lenti í NY seinnipartinn í gær. Gummi, Lindsey og Fannar sóttu mig. Lentum í þessari þvílíku umferðarteppu útaf Mets-leik sem var þarna rétt hjá. Við sáum leikvanginn og það var ekkert smá TROÐIÐ! Gaman það...
I morgun vöknuðum við og það sól og blíða, þrátt fyrir að það væri spáð rigningu. Við fórum út í Krikket í garðinum þeirra sem er RISA stór!! Don't worry ég tók slatta af myndum eins og mér einni er lagið8-) híhí
Núna erum við Fannar að læra undir "Placement test" sem við tökum á þriðjudaginn. Við fljúgum á morgun til Jacksonville FL. Svo eigum við von á góðum gestum næstu daga og þá verður gert eitthvað ógisslega gaman:)

Ég ætlaði bara aðeins að láta heyra í mér, gotta go...

-Bæbæ-

2006-08-08T18:58:00.000Z

Eyjar beibí!

Þá er blessuð verslunnarmannahelgin afstaðin.
Ég, Fannar, Þórhalla og Viktor tókum Herjólf á hádegi á fimmtudeginum. Fengum káetu frá mömmu tvíbbana og sofnuðum á leiðinni. Stebbi og Ásta voru þegar komin í íbúðina... sem er btw ÓGEÐSLEG!! Subbukelling sem býr þarna ojbarasta skamm skamm...
Fólk fór svo að streyma að og við vorum eitthvað um 15 held ég í íbúðinni. Allir dagar byrjuðu á drykkjuspili sem Fannar og Stebbi kepptust við að búa til og gera sem ógeðslegast, smá Friends gláp, krot á hvort annað, fíflaskap og fleira.
Strax eftir kvöldmat tókum við bekkjabílinn niður í dal hlaðin áfengi. Þar var rífandi stemming öll kvöldin, nema kannski ekki alveg nógu gott veður á fimmtudag, það svoleiðis fauk allt um koll. Ekki góður dagur fyrir tjaldbúa. Ég hrifsaði Heiðu og Valda og bjargaði þeim úr brjálæðinu og tók þau með mér í íbúðina.

Á föstudeginum kom svo Elma og Anna Lilja vinkona hennar.
Dúðuðum okkur og héldum í dalinn. Byrjuðum á því að hlamma okkur hjá "Litla Garðabæ". Sötruðum þar og sungum. Einhverjir voru með trekt og við Stebbi og Fannar létum ljós okkar skína í bjórþambi:D
Við færðum okkur þó fljótlega yfir í brekkuna þar sem kveikt var á brennunni, sungið að sjálfsögðu og drukkið meira. Við Elma tókum kast í aparólu og létum eins og verstu lúðar:)
Laugardagurinn einkenndist af mikilli þynnku af minni hálfu. EENN þá var bara að halda áfram að drekka og skutlast niður í dal. Mikið djammerí og gaman. Fórum í VKB-tjaldið (bræðrafélag Gumma bróðir tvíbbana) og fengum geðveikt góða humarsúpu sem einhver góðhjartaður maður tók sig til og eldaði fyrir 200 manns:D mmmmmm
Strákarnir ákváðu að krota á hvern þann sem gæfist fyrst upp. Þessa nótt varð Stebbi (eins og svo oft áður) fyrir barðinu á þeim og varð gjörsamlega krotaður í gegn... æjjææjæjj
Seinasti dagurinn byrjaði á því að við fórum út að borða á Café Mariu... Átum á okkur gat og drifum okkur svo heim í drykkjuleik. Ég, Stebbi, Fannar og Heiða Karen vorum dálítið á eftir hinum að koma okkur út. Þau fóru og þá ákvað Stebbi að húkka far hjá lögguköllunum sem voru þarna rétt hjá. Meðan hann var í burtu hljóp Heiða gáfaða inní löggubílinn og fiktaði í talstöðvunum, kallaði svo reglulega á okkur Fannar að koma líka því þetta væri svo "ógisslega gaman". Svo sjáum við bara löggurnar koma að bílnum og taka Heiðu greyið fasta og henda henni afturí þennan stóra löggubíl!
Við stóðum þarna bara og störðum!
Hlupum með þunga poka af áfengi á næstu löggustöð og ætluðum sko að BORGA hana út. (svona eins og í bíómyndunum sko)
Kallinn þar vissi ekkert hvar hún Heiða litla væri niðurkomin svo við ákváðum að rölta bara í dalinn. Á leiðinni sáum við Heiðu koma hlaupandi til okkar, að reyna að halda kúlinu, híhí... kjáninn! Ég grenjaði svo mikið úr hlátri að ég hélt ég væri að deyja!
En við komumst loksins í dalinn, komum okkur fyrir í brekkunni og hlustuðum á Bubba. Ohhh það var æði. Það var rífandi stemming í brekkusöngnum! Þegar kveikt var á blysunum og "Lífið er yndislegt" sungið... ohh ég fæ bara hroll sko!:)
*VÁ HVAÐ ÞETTA VAR GAMAN!! *
Fannar og Viktor áttu afmæli um miðnættið og fengu afmæliskveðju af sviðinu:)Þórhalla og Sigrún vinkona hennar voru svona sniðugar:) Þeir voru sko hæstánægðir með það.
Eftir þetta röltuðum við aðeins þar til Heiða sá vindsæng í tjörninni. Mín hugsaði sig ekki tvisvar um heldur STEKKUR á hana takk fyrir. Þarna lá hún fljótandi í miðri tjörn eins og prinsessa og allir gláptu á hana, sumir voru farnir að taka myndir! heheheh
Við tókum svo vindsængina og renndum okkur niður brekkuna í drullunni:D
Þá tók Heiða AFTUR uppá því að baða sig í tjörninni við ENNÞÁ mikil fagnaðarlæti. Við vorum þarna, ég og Elma gjörsamlega ÆPANDI af hlátri. HAHAHAHA
Ég vil kalla þennan dag Heiðu-daginn(Y) Til hamingju Heiða(K)
Eftir það kíkum við í Togga-tjaldið, ættingjar tvíbbana.
Ég dreif mig svo heim bara með Heiðu, stelpan var á sneplunum og kominn tími á svefn.

Ég vil bara þakka æðislega fyrir mig krakkar:** Ég skemmti mér KONUNGLEGA og ætla sko hiklaust á næstu Þjóðhátíð!!

-Mag's-

2006-07-30T14:59:00.000Z

4 dagar í þjóðhátíð!!!

... æ bara svona ef það fór framhjá ykkur...

Vikan var hin þægilegasta. Ég var í fríi og er búin að vera að dunda mér bara.
Lindsey kom á fimmtudaginn og við kíktum yfir til þeirra um kvöldið. Tókum hana á rúntinn og enduðum á Celtic. Eftir það fórum við í mini-skoðurnarferð að Perlunni, ég er ekki frá því að Fannari hafi fundist það skemmtilegra heldur en útlendingnum okkar híhí;)

Á föstudaginn var okkur svo boðið í fínt matarboð hjá ömmu strákana. Þar var samansafn af ættingjum. Það var grillað og drukkið... já og DANSAÐ!
hehehe ... geðveikt stuð hjá ömmu;)
Eftir það fórum við í bæinn og sýndum Lindsey ekta íslenskt djamm! Dönsuðum eins og vitleysingar og skemmtum okkur konunglega. Elma slóst í hópinn... ég man ekki alveg HVAR ég pikkaði hana upp samt 8-) daddaraaa
Við fórum öll saman á Rex þar sem var ennþá meira fjör... tekin ófá danssporin!!:)
Þegar fólk var orðið ansi drukkið þá keyrði Viktor okkur beinustu leið heim.

Í gær kvaddi ég svo hinn útlendinginn minn, hana Míu litlu. Hún bauð okkur stelpunum í partý og þar sátum við og höfðum það kósý syngjandi við gítarspil;) Ýkt næs:)
Hún þykist ekki ætla að koma hingað aftur fyrren eftir tvö ÁR! Svo það var ömurlegt að kveðja:S
Ég held ég sé lélegasti kveðjari í heimi... ég fæ alltaf tár í augun, já eða hreinlega fer bara að gráta! jeminn ...

Vid Rakel Arna og Elma fórum út að borða áðan á Ruby Tuesday. Eftir það röltuðum við niður að Klambratúni og horfðum á tónleikana með Sigurrós.
Það var rífandi stemming... eða allavegana á okkur stelpunum sem sátum þarna á teppi og létum eins og hálfvitar;)
Það var svoleiðis STAPPAÐ þarna, enda búist við 15.000 manns takk fyrir!
Glatað að þurfa að fara heim á kristilegum tíma sökum vinnu. Ég hefði SVOOO verið til í að liggja þarna á túninu með ís í spassakasti:D:D
En ágætis endir á annars frábærri helgi;)

Æjjhh vinnan kallar...
*Adios*

2006-07-23T04:55:00.000Z

Ég sá þessa mynd á mbl.is og gat bara ekki setið á mér...

Íslamskir kjólar á tískusýningu er ekki eitthvað sem við sjáum á hverjum degi.
Þeir eru allir eins í "sniðum", bara mismunandi litum... þetta fatta ég barasta alls ekki!
Afhverju eru þá ekki svona sýningar fyrir td. fangabúninga, ss. mis þykkar rendur, lóðréttar rendur, off-white eða í skjanna hvítum??? 8-)

Anyways...

Hverjir eru að fara til Eyja??
Ég hef heyrt svo marga segast ætla kannski... gefið ykkur fram:)
Ég er útileiguóð, ÞARF barasta að fara útá land og elta kindur eða eitthvað....
Er ekki einhver til í að fara eina nótt bara rétt út fyrir bæinn næstu helgi?? Grill og bjór!
Koma svo stelpur... það er nú einusinni sumar og mín er kannski að yfirgefa ykkur fyrir fullt og allt *TÁR* ...

(ps. ég er samt ekki að fara að deyja svona til að forðast allan rugling)

-Ég heimta svör-
(",)

2006-07-18T04:03:00.000Z

Ég vil óska henni Ruttu innilega til hamingju með 22 ára afmælið sitt í gær! kossar og knúsar :**

Við Fannar áttum líka afmæli þann 9.júlí. Búin að vera saman í heilt ár!
Mér finnst samt eins og það hafi verið miklu lengur einhvernvegin:)
Hann bauð mér út að borða á Rauðará:) Vorum alveg sér útaf fyrir okkur , kertaljós og arinn... rosa rómó:) Ég pantaði mér humar og rauðvín, en Fannar steik og bjór... ekkert smá gott!! Þetta var alveg æðislegt:)

Svo ákvað ég (korteri fyrir brottför takk fyrir) að skella mér með norður með strákunum í tvítugsafmælið hans Stebba. Það var haldið í sveitinni sem hann átti heima í þegar hann var yngri.

Viktor, Krissi og Fannar komu og náðu í mig og á leiðinni var opnuð rauðvínsflaska og ófáir bjórarnir !
Fyrst týndumst við SMÁ. Bönkuðum uppá hjá einhverju fólki og báðum um að fá að hringja sem var ekkert mál. Þegar kallinn heyrði símanúmerið, þá ÞEKKTI hann það og benti okkur á annan bæ! Vá hvað fólkið í sveitinni á sér ekkert líf! hahaha!
En við komumst loks á leiðarenda og tjölduðum hjá hinum.
Þau voru búin að koma sér fyrir niður að ponsu litlum læk. Sátu þar og grilluðu meðan bjórinn kældist í vatninu. Gítarinn svo tekinn upp og sungið hástöfum.
Sumir dóu næstum (án gríns). *hóst*Krissi*hóst var tekinn inní tjald og nuddaður allur hátt og lágt útaf ofkælingu því hann "sofnaði" úti á túni!!

Næsta dag fóru flestir í sund... ég svaf reyndar... trallalalala....
Svo fórum við uppí salinn sem afmælið var í og byrjuðum að drekka. Elma kom svo með Ósk og kærastanum hennar rétt áður en maturinn byrjaði. Það var hlaðborð sem var ekkert smá flott. Mamma hans Stebba grillaði lambalæri ofan í jörðinni sem voru sjúklega góð!
Eftir matinn var svo mikið tjúttað og trallað. Farið í leiki og dansað.
Við stelpurnar héldum uppi stuðinu á dansgólfinu:P
Þegar við komum aftur uppá tjaldsvæði hafði annar ónefndur sofnað meðan hann var að pissa, lá svo bara í drullunni með buxurnar á hælunum!
Fannar ég held þú þurfir eitthvað að endurskoða þessa vini þína?!?!? :)
HaHaHaHa

En jæja, svo eru það næturvaktir í heila viku, ekki spennó!

-Magga-

*Nýjar myndir komnar til hægri*